Беларускія барцы заваявалі на чэмпіянаце Еўропы па спартыўным самба, які прайшоў у Мінску, 15 медалёў: па пяць залатых, сярэбраных і бронзавых.
Мужчынская беларуская каманда заваявала восем узнагарод. Золата ў Антона Машковіча (57 кг), Аляксея Сцепанькова (82 кг) і Юрыя Рыбака (звыш 100 кг). Сярэбраным прызёрам стаў Яўген Сёмачкін (100 кг), бронзавыя ўзнагароды атрымалі Андрэй Курлыпа (52 кг), Дзмітрый Базылёў (68 кг), Сцяпан Папоў (74 кг) і Андрэй Казусёнак (90 кг). Без медаля застаўся толькі Аляксандр Марудаў (62 кг).
У актыве жаночай дружыны сем прызавых месцаў. Золата заваявалі Кацярына Пракапенка (60 кг) і Юлія Барысік (звыш 80 кг), сярэбранымі прызёрамі сталі Таццяна Масквіна (48 кг), Анжэла Паім (56 кг), Анастасія Ляшкова (64 кг) і Кацярына Радзевіч (72 кг), бронза дасталася Кацярыне Кірпічэнцы (80 кг). Па‑за п’едэсталам апынуліся толькі Наталля Угалькова (52 кг) і Ірына Амяльянава (68 кг).
У апошні дзень чэмпіянату, 16 мая, у Палацы спорту прайшлі спаборніцтвы па баявым самба.
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП17
Каментары