Прэс‑служба прэзідэнта абвяргае інфармацыю пра сённяшнюю сустрэчу Лукашэнкі з Януковічам
Прэс‑служба прэзідэнта Беларусі аспрэчвае інфармацыю пра сённяшнюю сустрэчу Аляксандра Лукашэнкі з Віктарам Януковічам.
Інфармацыю аб тым, што 28 мая ў Батурыне (Чарнігаўская вобласць Украіны) нібыта адбылася сустрэча прэзідэнтаў Беларусі і Украіны, распаўсюдзіла сёння агенцтва РБК са спасылкай на крыніцу ў адміністрацыі Януковіча. Паведамлялася, у прыватнасці, што на сустрэчы будзе абмяркоўвацца ў тым ліку пытанне аб дэмаркацыі беларуска‑ўкраінскай мяжы.
«Інфармацыя РБК, мякка кажучы, не адпавядае рэчаіснасці», — заявіў кіраўнік прэс‑службы прэзідэнта Беларусі Павел Лёгкі. «Прэзідэнт знаходзіцца ў Мінску, у сваёй рэзідэнцыі, працуе», — дадаў ён.
Нагадаем, інфармацыя пра магчымую сустрэчу Лукашэнкі і Януковіча з’явілася яшчэ напярэдадні, 27 мая, аднак і ў Мінску, і ў Кіеве яе аспрэчылі.
29 красавіка прэзідэнт Украіны наведаў Мінск з афіцыйным візітам. Пасля гэтага Лукашэнка і Януковіч сустракаліся 8 мая на нефармальным саміце СНД пад Масквой.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі26
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4242
Каментары