Пытанне аб далучэнні Беларусі да Мытнага саюзу вырашыцца 5 ліпеня
Пра гэта заявіў першы віцэ-прэм'ер Расіі Ігар Шувалаў.
Пытанне аб далучэнні Беларусі да Мытнага саюзу будзе канчаткова вырашанае падчас сустрэчы кіраўнікоў трох дзяржаў 5 ліпеня ў рамках Міждзяржсавета ЕўрАзЭС у Казахстане, паведаміў сёння журналістам першы віцэ‑прэм’ер РФ Ігар Шувалаў.
«Мы са свайго боку правялі неабходныя ўзгадняльныя працэдуры, заўтра правядзем перамовы ў фармаце Казахстана, Беларусі ды Расіі, дзе будуць канчаткова разгледжаныя ўсе неабходныя пытанні для запуску Мытнага саюзу», ‑‑ цытуе Шувалава агенцтва РИА НОВОСТИ.
«У якім фармаце працаваць з 1 ліпеня — будзе вызначана падчас сустрэчы кіраўнікоў дзяржаў 5 ліпеня ў Астане», — дадаў першы віцэ‑прэм’ер РФ.
Шувалаў папярэдзіў, што ў выпадку непадпісання Беларуссю Мытнага кодэкса мытны рэжым на расейска-беларускай мяжы захаваецца.
Па ўласніку «Софтклуба» Сіротку, які сядзіць у СІЗА КДБ, прыляцела і ад Польшчы — на яго крыптабіржу Bynex наклалі санкцыі2
Каментары