У выніку газавай спрэчкі можа быць закранута 6,25% аб’ёму спажывання газу ў ЕС.
У сувязі з рознагалоссямі паміж Расіяй і Беларуссю па аплаце паставак і транзіту газу Еўракамісія склікае экстранную сустрэчу з экспертамі. Пра гэта паведаміла журналістам у Бруселі 22 чэрвеня Марлін Холцнер, прэс‑сакратар еўракамісара па пытаннях энергетыкі Гюнтэра Этынгера.
«Мы правядзем першую тэхнічную сустрэчу з беларускім бокам»,
— цытуе Холцнер РІА Новости.
Яна таксама паведаміла, што ўлады Беларусі праінфармавалі Еўракамісію пра наяўныя праблемы 22 чэрвеня праз «механізм ранняга апавяшчэння». Паводле слоў Холцнер,
у выніку газавай спрэчкі можа быць закранута 6,25% аб’ёму спажывання газу ў ЕС.
21 чэрвеня Холцнер заявіла: «Еўрасаюз спадзяецца, што спрэчка паміж Беларуссю і Расіяй не паўплывае на транзіт расійскага газу ў Еўропу і ўсе кантрактныя абавязацельствы будуць выкананыя». Яна адзначала, што скарачэнне паставак расійскага газу ў Беларусь «не абавязкова» паўплывае на транзіт, паколькі Беларусь «не абавязкова спыніць пастаўку газу», а акрамя таго, цераз краіну ў ЕС ідзе «невялікая колькасць» гэтага паліва.
Сёння на сустрэчы ў Мінску з кіраўніком МЗС Расіі Сяргеем Лаўровым Аляксандр Лукашэнка заявіў, што распарадзіўся перакрыць транзіт расійскага газу цераз Беларусь у сувязі з запазычанасцю Масквы за транзіт.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос2
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4747
Каментары