Віцебская філія Саюзу беларускіх пісьменнікаў запрашае да ўдзелу маладых літаратараў, якія пішуць вершы, эсэ і апавяданні.
Паводле старшыні Віцебскай філіі Саюзу беларускіх пісьменнікаў Людмілы Сіманёнак, галоўных вызначальных умоваў усяго дзве: на конкурс прымаюцца творы памерам да 10 друкаваных старонак, і аўтару павінна быць менш за 35 гадоў.
Дасылаць літаратурныя працы можна на адрас [email protected] не пазней за 1 лістапада.
Творы празаікаў зусім не абавязкова мусяць належаць да жанру гістарычнай прозы, у галіне якой імя Уладзімера Караткевіча найбольш шырока вядома. І вершы маладых паэтаў таксама ня мусяць быць наследаваньнем ягонай паэтычнай традыцыі. Арганізатары кажуць, што гатовыя вітаць творцаў, якія пішуць на любыя тэмы, а пераможцаў чакае вандроўка па караткевіцкіх мясьцінах — у Воршу, на малую радзіму пісьменьніка.
Уладзімер Караткевіч нарадзіўся ў Воршы 26 лістапада 1930 году. Цяпер у будынку, дзе калісьці была радзільня, і дзе прыйшоў на сьвет знакаміты пісьменьнік-зямляк, якраз і месціцца мэмарыяльны музэй Караткевіча.
Арыштаваны дырэктар Палаца Рэспублікі, адзін з арганізатараў Марафона адзінства9
Каментары