Фэст украінскіх нацыяналістаў адбудзецца 7–8 жніўня пад Луцкам.
Чацвёрты фэст украінскай альтэрнатыўнай музыкі і сучаснага украінскага мастацтва «Бандэрштат» адбудзецца 7–8 жніўня пад Луцкам, у вёсцы Ракіні.
Штогадовае мерапрыемства ладзіцца ў гонар нацыянальнага героя Украіны Сцяпана Бандэры, які з’яўляецца сімвалам фэсту. На два дні звычайная украінская вёска пераўтвараецца ў сапраўдны горад — горад Бандэры.
Арганізатары ставяць мэтаю даць моладзі адчуць паўстанцкі дух. Тым не менш, натхніцца духам паўстання ды паслухаць украінскую музыку прыязджаюць і беларусы.
Нязменным арганізатарам імпрэзы выступае моладзевая грамадская арганізацыя «Нацыянальны Альянс». Традыцыя святкавання распачынаецца з 2007 года. У мінулыя гады, апроч выступу музыкаў адбываліся выставы, спартовыя мерапрыемствы, літаратурныя чытанкі і выступы гісторыкаў.
Сёлета, сярод іншых, арганізатары плануюць запрасіць з выступам беларускага рэпера Вінсэнта.
Сцяпан Бандэра — ідэолаг украінскага нацыяналізму, кіраўнік Арганізацыі ўкраінскіх нацыяналістаў (АУН), якая прапаведавала ўзброеную барацьбу за незалежнасць. Прэзідэнт Украіны Віктар Юшчанка надаў Бандэру званне Героя Украіны. Такое рашэнне Юшчанкі выклікала неадназначную рэакцыю як на Украіне, так і на міжнародным узроўні.
-
Паставіць намёт — ад 70 рублёў, шаўрма па 20, душ за 10: як селёта праходзіць Viva Braslav
-
«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі
-
Ходзіць легенда, што Озі Осбарн адкусіў галаву жывому кажану. А што ж адбылося насамрэч?
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі2
Каментары