Лукашэнку прапануюць падпісаць Дэкларацыю аб суверэнітэце Беларусі
Беларуская апазіцыя прапануе прэзідэнту Аляксандру Лукашэнке падпісаць Дэкларацыю аб дзяржаўным суверэнітэце Беларусі.20-гадоў таму дзеючы кіраўнік дзяржавы ў якасці дэпутата Вярхоўнага Савета ўжо галасаваў за гэты дакумент.
Аднак, на думку старшыні Аб’яднанай грамадзянскай партыі Анатоля Лябедзькі, зараз прыйшоў час усім былым дэпутатам зрабіць гэта яшчэ раз:
— Я думаю, што з пазіцыі сённяшняга дня трэба проста канстатаваць, што ў дэкларацыі ёсць бацькі, гэта тыя дэпутаты, якія лабіравалі прыняццё дэкларацыі, якія галасавалі за дэкларацыю, — вось яны і ёсць калектыўным бацькам. Бацькоў не выбіраюць — яны такія, якія ёсць. Да гэтых людзей павінна быць пэўная павага і пашана, таму што яны юрыдычна аформілі аднаўленне Беларусі як незалежнай дэмакратычнай краіны.
Пры гэтым Анатоль Лябедзька лічыць, што Аляксандр Лукашэнка наўрад ці пагадзіцца ўзяць удзел у гэтай акцыі. Бо ў якасці прэзідэнта не пажадае ставіць свой подпіс побач з аўтографамі былых дэпутатаў, тым больш апазіцыянераў.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3
Каментары