Фотаздымак Алега Грыцкевіча «Перапаўненне свяшчэнных вод» прызнаны найлепшым на міжнародным фотаконкурсе «Самыя неверагодныя фота National Geographic».
Здымак зроблены з балкона ў час паводкі ў Індыі ў жніўні 2009 года.
«Гэта верх затопленага ў час паводкі індуісцкага храма ў індыйскім горадзе Варанасі (старажытны Бенарэс). Знята з балкона гатэля са штатыва з вытрымкай у 30 секунд (на малой вытрымцы ў гэтай хуткай рацэ быў бы бачны попел, вянкі, смецце і парэшткі не да канца спаленых былых жывых істотаў).
За пяцьдзясят метраў справа ад храма знаходзіцца (на фота не відаць) Манікарніка Гхат — самае галоўнае месца на рацэ Ганг для крэмацыі, па-нашаму — рытуальнага спальвання памерлых», — распавёў гісторыю гэтага здымка Алег.
Галоўны прыз конкурсу — вандроўка на дваіх у Вашынгтон на экскурсію ў галоўны офіс National Geographic.
Алег Грыцкевіч мае 38 гадоў, нарадзіўся ў Расіі, ад 1985 года жыве ў Беларусі, дзе скончыў Мазырскую медычную вучэльню. Потым працаваў фельчарам, служыў у мар’інагорскім спецназе, у 1995-м удзельнічаў у AXA World Ride’95 — вандроўцы вакол свету на роварах, быў адзіным прадстаўніком ад СНД. У 1999-м заснаваў рэкламна-інфармацыйную газету «Полесье своими глазами», якую выдае і дагэтуль. Займаецца альпінізмам: узбіраецца на вяршыні верхавіны Тыбэту, Індыі, В’етнаму, Камбоджы, Тайланду. Хобі — дайвінг, фота, альпінізм, сноўбордынг.
-
Пад Стоўбцамі збіраліся знесці чарговую шляхецкую сядзібу. Апомніліся, толькі калі мясцовыя жыхары паднялі шум
-
У Літву з Ватыкана прывезлі ўнікальныя кодэксы з Пагоняй і гістарычнымі мініяцюрамі, створаныя беларускімі графінямі для Папы
-
Беларусы змогуць набываць кнігі ўсляпую — на іх нават будзе зніжка
«Пенсіянерам дзеці перашкаджаюць!» У Брэсце не першы месяц ідуць спрэчкі наконт месца для будаўніцтва дзіцячага сада5
Каментары