Сёньня госьцем нашай краіны быў ужо нэпальскі сьпікер. Чаго толькі не даведаесься з вуснаў іншаземца! Піша Аляксандар Класкоўскі.
Дарэмна ворагі паклёпнічаюць, што беларускі парлямэнт у ізаляцыі. Міжнароднае жыцьцё кіпіць!
Толькі ўчора абмяркоўвалі з прадстаўніком Выспы Свабоды ініцыятыву стварыць Міжпарлямэнцкую асамблею краінаў Руху недалучэньня. А сёньня госьцем быў ужо нэпальскі сьпікер.
Чаго толькі не даведаесься з вуснаў іншаземца! Аказваецца, наша кіраўніцтва сьціпла маўчала пра свае заслугі у справе аднаўленьня дэмакратыі ды парлямэнтарызму ў далёкай гімалайскай краіне!
Чытаючы гэтыя радкі, адзін мой востры на язык калега заўважыў: "Во каб яшчэ і ў сябе дома паспрабавалі...".
Між тым высокі госьць — відаць, на знак асаблівага даверу — прапанаваў беларускім уладам у асобе калегі Канаплёва ні многа ні мала... выступіць пасярэднікамі ў канфлікце ўраду Нэпала з тамтэйшымі мааістамі.
Паказальна, што дзяржаўная агенцыя гэту прапанову афішаваць ня стала. Усё ж, мусіць, занадта экзатычна выглядалі б нашыя дзеячы за круглым сталом у Гімалаях.
А можа, згадалася ня надта паліткарэктная песьня "Крэматорыя" пра родную Катманду?
Калі ж сур'ёзна, то ў айчыннага кіраўніцтва баліць галава пра іншыя перамовы. З братняй інтэграцыяй сёньня, бадай, цяжэй разабрацца, чым з тымі мааістамі. Афіцыйны беларускі лідэр рыхтуецца да "моманту ісціны" ў высьвятленьні стасункаў з Крамлём. Трэба думаць, гэта будзе сапраўдны двубой.
Між тым цікавы прагноз надрукаваў тыднёвік "Белорусы и рынок". Паказальна, што хуткі скон ідэі саюзнае дзяржавы прадракае расейскі экспэрт, якога, прынамсі, цяжка назваць вялікім заходнікам.
Яшчэ болей, ён лічыць, што менавіта фантом "саюзнага будаўніцтва" і атручвае двухбаковыя стасункі.
Галоўнае ж — доктар Шмялёў упэўнены, што рынкавая трансфармацыя неўзабаве чакае і "нашу Катманду".
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі37
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4545
Каментары