Стала вядомая тройка футбалістаў, намінаваных на прэмію найлепшаму гульцу года, якую ўручае ФІФА. Залаты мяч могуць атрымаць паўабаронцы зборнай Іспаніі і «Барселоны» Андрэс Ін'еста і Хаві, а таксама іх аднаклубнік аргенцінец Ліянэль Месі.
На прыз найлепшаму трэнеру прэтэндуюць галоўны трэнер зборнай Іспаніі Вісэнтэ Дэль Боске, галоўны трэнер «Барселоны» Хасэп Гвардыёла, а таксама галоўны трэнер «Рэала» Жазэ Маўрынью, які ў мінулым сезоне працаваў у «Інтэры».
Імёны намінантаў вызначыліся ў выніку галасавання трэнераў і капітанаў нацыянальных каманд, а таксама журналістаў.
Уладальнік Залатога мяча і найлепшы трэнер года стануць вядомыя 10 студзеня.
Нагадаем: учора друкаваная версія La Gazzetta dello Sport паведаміла аб тым, што Залаты Мяч ФІФА атрымае Андрэс Іньеста
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары