Заснавальнік «Песняроў» адзначыў бы юбілей сёння.
Заснавальнік «Песняроў» адзначыў бы юбілей сёння.
Народны артыст Беларусі здолеў стварыць ансамбль, якім захапляюцца і сёння, праз чатыры дзесяцігоддзі.
Слава яго «Песняроў» стала падставай для падзелу спадчыны калектыву пасля смерці музыкі. І сёння на гэтую назву прэтэндуюць некалькі ансамбляў.
Уладзімір Мулявін нарадзіўся ў расійскім Свярдлоўску (цяпер Екацярынбург). Паступіўшы ў музвучэльню, быў выключаны за захапленне джазам. Пасля прынялі назад, але ўжо сам Мулявін кінуў вучобу. У 1963 годзе яго запрасілі на працу ў Беларускую дзяржаўную філармонію. Пры філармоніі ён і стварыў ансамбль «Лявоны», які пазней стаў называцца «Песняры».
Уладзімір Мулявін здолеў беларускамоўную песню падняць да ўзроўню, да якога ні ў каго больш не атрымлівалася.
Старэйшае пакаленне і сёння можа праспяваць «Александрыну», «Жураўлі на Палессе ляцяць». Разам з ансамблем ён выконваў песні на словы беларускіх паэтаў, класікаў і сучаснікаў. Янка Купала, Максім Багдановіч, Рыгор Барадулін, Уладзімір Някляеў…
У маі 2002 Уладзімір Мулявін трапіў у аўтамабільную аварыю, пасля якой праз восем месяцаў памёр. Пахаваны на мінскіх Усходніх могілках.
Цяпер чытаюць
«Лукашэнка мне сказаў: «Хочаш — можаш адказаць нам, ударыць па Мазыры, па заводзе» — Зяленскі31
Каментары