Славацкая моладзевая арганізацыя «Народная дэмакратычная моладзь» правяла буйную акцыю ў падтрымку Насты Палажанкі.
Як паведаміў актывіст НДМ Юрай, ля беларускага пасольства ў Браціславе сабралася каля 50 сяброў арганізацыі.
Акцыя распачалася з сімвалічнага замыкання беларускай амбасады: актывісты на 15 мінут павесілі на дзверы вялікі замок. Пасля гэтага маладзёны паспрабавалі перадаць ліст у абарону Насты Палажанкі супрацоўнікам. Самога амбасадара ў будынку не было, а іншыя супрацоўнікі адмовіліся выходзіць нават пасля таго, як юнакі пачалі скандаваць і свісцець у свісцёлкі. Супрацоўнікі ў адказ зашмаргнулі фіранкі на вокнах.
Пасля гэтага актывісты НДМ грамадою рушылі ў Міністэрства замежных справах, дзе ў маладзёнаў адбылася сустрэча з Генеральным сакратаром Міністэрства, які ў прысутнасці маладзёнаў звязаўся з амбасадарам Славакіі ў Менску й наказаў яму пільна адсочваць сітуацыю й па магчымасці наведаць Насту Палажанку ў Амерыканцы.
Пра акцыю паведамілі аж чатыры тэлеканалы і Славацкае радыё.
Цяпер чытаюць
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП12
Каментары