Мінздароўя: Сёлета ніводзін чалавек не памёр ад «свінога» грыпу
Больш за 120 тысяч чалавек у Беларусі сталі ахвярамі зімовай эпідэміі. Каля 110 школ закрытыя на каранцін. Каля 25 тысяч беларусаў хворыя на грып.
Пра гэта паведаміў намеснік міністра аховы здароўя Алег Арнаутаў. Адказваючы на пытанне Еўрарадыё, ён адзначыў, што сёлета лекары ўвогуле не выдзяляюць вірус AH1N1 сярод іншых вірусных інфекцый. Маўляў, ён не страшнейшы за ўсе іншыя варыяцыі грыпу.
«Ён лечыцца гэтак сама, як і іншы грып, абсалютна! Пытанне толькі ў тым, што гэта розная антыгенная структура. Сёння ў нашай краіне каля 30% насельніцтва прышчэпленыя супраць гэтага ўзбуджальніка. Гэта азначае, што агрэсіўнасць гэтага ўзбуджальніка сёлета будзе значна ніжэй, чым летась ці ў іншыя гады. Таму не трэба палохаць насельніцтва. Сёння ад нашага страху нічога не залежыць. Трэба проста спакойна жыць і выконваць тыя рэкамендацыі, якія мы даем. Медыцына гатовая аказаць неабходную дапамогу — толькі своечасова прыйдзіце».
Паводле яго словаў, у Беларусі ад пачатку года ніводнага чалавека не памерла ад пандэмічнага грыпу. Таму медык раіць не баяцца хваробы і смерці, а есці больш капусты, буракоў ды лімонаў, а таксама насіць аднаразовыя маскі.
У той жа час лекары папярэджваюць:
кожнага хворага з падазрэннем на пнеўманію будуць неадкладна класці ў шпіталь.І для гэтага, кажа намеснік міністра, усё гатовае.
«Усе асобы, у якіх не выключаюць пнеўманію, — ускладненні пасля віруснай інфекцыі, альбо першасна ўзніклая пнеўманія — яны лечацца ў абавязковым парадку ў стацыянарных умовах. Ва ўстановах аховы здароўя распрацаваныя планы па фармаванні рэзерву ложкавага фонду, перапрафіляванні ложкаў з магчымым разгортваннем палат інтэнсіўнай тэрапіі ў перапрафіляваных аддзяленнях, з магчымасцю раздзялення шпіталізаваных хворых. У першую чаргу гэта тычыцца цяжарных жанчын».
Наколькі складанай можа быць новая эпідэмія, Алег Арнаутаў прадказаць адмовіўся. Але адзначыў, што пакуль няма падстаў меркаваць, што следам за «птушыным», «свіным» ды «казіным» з’явіцца
Каментары