Вольга Някляева: «Уладзімір Пракопавіч апошнімі днямі кепска сябе адчувае»
Жонкаэкс-кандыдата ў прэзідэнты Вольга Някляева расказала «Салідарнасці», што тэрмін хатняга арышту яе мужа падоўжаны да 20 траўня. Умовы ўтрымання не змяніліся, а сам Уладзімір Пракопавіч, якому забароненыя зносіны з навакольным светам, апошнімі днямі кепска сябе адчувае.
— У яго баліць галава і вельмі моцна спіна — пазваночнік, — сказала Вольга. — Спіна турбавала і раней, а вось галава — гэта наступствы траўмы 19 снежня. Дактары казалі, што праз яе галаўныя болі яшчэ доўга будуць турбаваць.
Жонка палітвязня таксама расказала, што тэрмін хатняга арышту Уладзіміра Някляева падоўжаны да 20 траўня. Пры гэтым умовы яго ўтрымання застаюцца ранейшымі: забарона на сустрэчы, карэспандэнцыю, карыстанне тэлефонам і інтэрнэтам.
— Гэта самыя жорсткія хатнія ўмовы, якія толькі могуць быць. І мы пазней будзем іх абскарджваць. Па сутнасці, нашая двухпакаёвая кватэра зрабілася аднапакаёвай. У суседняй пастаянна знаходзяцца два супрацоўнікі спецслужбаў. Наогул, іх тры пары, якія рэгулярна мяняюцца. Натуральна, усё гэта значна ўскладняе і маё жыццё, — дадала жонка
Прысуд у дачыненні да Васіля Парфянкова — 4 гады строгага рэжыму — Уладзімір Някляеў публічна каментаваць не можа. Яго жонка, у сваю чаргу, лічыць, што «гэта жорсткае пакаранне, а абвінавачанне — беспадстаўнае».
Цяпер чытаюць
Лосік расказаў, як Бабарыку катавалі ў наваполацкай калоніі15
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары