Як паведамляе праваабарончы цэнтар «Вясна», кіраўнік Беларусі адмовіў у памілаваньні двум асуджаным на сьмерць жыхарам Гародні Андрэю Бурдыка і Алегу Грышкаўцову.
14 траўня 2010 года яны былі засуджаныя да сьмяротнага пакараньня за ўзброены напад на кватэру ў Гародні ў кастрычніку 2009 года.
17 верасьня судовая калегія па крымінальных справах Вярхоўнага суда разгледзела касацыйныя скаргі Бурдыкі і Грышкаўцова і пакінула іх без задавальненьня, а прысуд — без зьмяненьня.
Напачатку сьнежня 2010 года ў Камітэт па правах чалавека ААН года былі пададзеныя індывідуальныя паведамленьні гэтых асуджаных. У паведамленьнях утрымліваецца просьба прымяніць меры часовай абароны і не прыводзіць прысуд у выкананьне, пакуль справа не будзе ўсебакова разгледжаная ў Камітэце па правах чалавека ААН.
Пра гэта праінфармаваныя кампэтэнтныя органы Рэспублікі Беларусь.
Лукашэнка: Раман Пратасевіч — даўні супрацоўнік беларускай разведкі59
Каментары