Да Джорджа Клуні, Майкла Дугласа, Марка Нопфлера і Сігурні Уівер далучыліся Гарбачоў і Гавэл.
Сваякі палітвязняў і зоркі Галівуда будуць дамагацца ацэнкі дзеянняў беларускай улады міжнароднымі судамі і безумоўнага вызвалення вязняў дыктатуры.
Як стала вядома сайту charter97.org, Ірына Багданава (сястра Андрэя Саннікава), Ева Някляева (дачка Уладзіміра Някляева), Кацярына Статкевіч (дачка Мікалая Статкевіча), Алена Эдвардс (сястра Міланы Міхалевіч) а таксама драматург Том Стопард, юрыдычная фірма «H20 Law LLP» і Беларускі Свабодны тэатр выступілі ініцыятарамі кампаніі Free Belarus Now. Ініцыятары кампаніі будуць звяртацца ў міжнародныя суды з патрабаваннем расследаваць масавыя выпадкі парушэння правоў чалавека ў нашай краіне.
Кампанію падтрымалі Міхаіл Гарбачоў, Вацлаў Гавел, Джордж Клуні, Майкл Дуглас, Марк Нопфлер, Сігурні Уівер, сенатар Рычард Дурбін і многія іншыя вядомыя людзі.
У ААН накіраваныя лісты аб намерах, якія з’яўляюцца першым крокам у працэсе ўзбуджэння справаў у камісіях ААН. Лісты накіраваныя ў чатыры падпаддзяленні ААН, якія разглядаюць парушэнні правоў чалавека:
— У Камітэт па правах чалавека — працоўную групу па паведамленнях;
— спецдакладчыку ААН па незалежнасці суддзяў і адвакатаў;
— спецдакладчыку па пытанні аб заахвочванні і абароне права на свабоду перакананняў і іх свабодным выражэнні;
— спецыяльным прадстаўніку Генеральнага сакратара па пытанні аб праваабаронцах.
Ініцыятары кампаніі заклікаюць усіх, хто пацярпеў ад рэпрэсій беларускіх уладаў, прыняць удзел у апублікаванні фактаў і паведаміць аб такім парушэнні юрыстам кампаніі, якія возьмуць на сябе працэдуру афармлення скаргаў, іх акумулявання і суправаджэння ў працэсе разгляду ў камісіях і падкамісіі ААН.
Яшчэ адным заяўленым напрамкам работы стане зварот і распачацце справаў у дачыненні да беларускіх уладаў у міжнародных судах.
Цяпер чытаюць
Раман Пратасевіч асвоіў прафесію бармена і адшукаў працу. Вось у якім бары можна яго знайсці6
Каментары