Лукашэнка даручыў «у максімальна кароткія тэрміны» накіраваць справу пра тэракт ў суд
Аляксандр Лукашэнка даручыў следчай групе па расследаванні тэракта ў мінскім метро 11 красавіка «ў максімальна кароткія тэрміны» завяршыць усе працэсуальныя дзеянні і накіраваць справу ў суд.Такое даручэнне кіраўнік дзяржавы зрабіў 13 красавіка на нарадзе, фрагменты якога трансляваліся па беларускім тэлебачанні.
«Вы ведаеце стаўленне людзей — гэта гора ўсяго народа.
Вінаватыя павінны панесці самае суровае пакаранне»,— падкрэсліў кіраўнік дзяржавы.
Лукашэнка таксама даручыў Савету бяспекі, МУС і КДБ на працягу месяца завяршыць работу па выяўленні незарэгістраванай зброі і выбуховых рэчываў у Беларусі. «Як мне дакладваюць, вы актыўна і дзейсна пачалі гэтую працу.
На працягу месяца ўсе вывернуць навыварат.
У каго вы знойдзеце незарэгістраваная зброя, выбухоўку, чорных ці белых капальнікаў — усіх за краты. Толькі так мы можам пазбегнуць у будучыні падобных тэрарыстычных актаў» , — перакананы прэзідэнт.
Акрамя таго, ён запатрабаваў ад міністра абароны ў працягу двух тыдняў скончыць пачатую рэвізію складоў і боепрыпасаў. «Праінфармаваць асабіста мяне пра выкананні, правядзіце гэта самым жорсткім чынам. Як мне дакладваюць чэкісты, аператыўнікі пацікавіліся некаторымі інтэрнатамі вайскоўцаў. Чаго толькі там няма: ну зразумела, пацукі,
але там і патроны, і выбухоўка, і боепрыпасы. Патрабую ад вас навядзення парадку»,— заявіў Лукашэнка.
Ён адзначыў працу прафесійную і аператыўную працу медыкаў 11 красавіка. «Вы многіх паставілі на ногі. Вы павінны выратаваць усіх параненых. Для вас гэта справа гонару, кіньце на гэта лепшыя сілы. Трэба ўсіх выратаваць», — падкрэсліў кіраўнік дзяржавы.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення7979
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення79
«З татам вырашылі: наспеў час вучыцца па-беларуску». Жанчына расказала, як у 80-я гады ездзіла за 20 кіламетраў ад Мінска дзеля адукацыі на роднай мове22
Каментары