Кастусёў: Ад 1 ліпеня пачнуцца размовы пра ўвядзенне расійскага рубля
Экс-кандыдат у прэзідэнты лічыць, што гэта адбудзецца пасля таго, як Масква атрымае «найбольш смачныя кавалачкі» беларускай эканомікі.
Былы кандыдат у прэзідэнты Рыгор Кастусёў лічыць, што за намерам атрымаць «найбольш смачныя кавалачкі» беларускай эканомікі Масква з 1 ліпеня запатрабуе ўвядзення на тэрыторыі Беларусі расійскага рубля.
«Расія дасць крэдыт — на сваіх умовах, натуральна, — перадача маёмасці. Гаворка ідзе аб «Белтрансгазе», прадпрыемствах нафтаперапрацоўкі, а таксама ходзяць чуткі, што Расія патрабуе перадаць ёй ўчастак Беларускай чыгункі ад Оршы да Брэста. Пакуль гэта толькі чуткі. Рэзерв у Лукашэнкі — маёмасць — пакуль ёсць. Таму, думаю, удасца атрымаць крэдыт, магчыма, не ў такіх аб’ёмах, як хацелі б. А далей — пасля ўступлення ў сілу Мытнага саюза з 1 ліпеня пойдзе размова аб увядзенні расійскага рубля на тэрыторыі Беларусі», — лічыць палітык.
Рыгор Кастусёў лічыць, што «крэдыт патрэбен, каб спыніць падзенне беларускага рубля».
За кошт расійскага крэдыту, магчыма, і атрымаецца прыпыніць на некаторы час падзенне рубля, але іншага выйсця, акрамя як рэфармаванне эканомікі — у беларускай улады няма.
Цяпер чытаюць
Што здарылася з Мікітам Мелказёравым, які раптоўна памёр ноччу?30
Каментары