Павіншаваць славутага паэта імкнуліся столькі людзей, што зала галерэі «Ў» з цяжкасцю магла змесціць усіх ахвотных.
На творчую вечарыну, прысвечаную 75-годдзю Генадзя Бураўкіна, прыйшлі Радзім Гарэцкі, Віктар Дашук, Віктар Казько, Зінаіда Бандарэнка, Станіслаў Шушкевіч, Васіль Зуёнак, Андрэй Хадановіч, амбасадар Швецыі Стэфан Эрыксан і многія іншыя. Даўнія сябры паэта чыталі вершы, прамаўлялі словы павагі і дарылі юбіляру падарункі. Віншавальныя лісты Генадзю Бураўкіну даслалі Старшыня Рады БНР Івонка Сурвіла і яе намеснік Сяргей Навумчык.
Зміцер Вайцюшкевіч павіншаваў паэта песнямі на яго вершы.
Адным з самых арыгінальных прэзентаў стаў тэлевізар, які зусім нядаўна знаходзіўся ў «засценках КДБ». Ён быў сканфіскаваны ў кампаніі «Гавары праўду» летась падчас ператрусаў, але днямі «выйшаў на волю». Уладзімір Някляеў з таварышамі вырашылі падарыць гэты тэлевізар экс-кіраўніку БТ.
Пасля віншавальнай часткі паэт чытаў свае новыя і старыя вершы, якія заля прымала з захапленнем і апладысментамі.
Творчую вечарыну Генадзя Бураўкіна ў галерэі «Ў» зладзіла Згуртаванне беларусаў свету «Бацькаўшчына».
Цяпер чытаюць
Сілавікі масава затрымліваюць удзельнікаў конкурсу гомельскага трэш-блогера14
Каментары