Што твораць шведскія ласі.
Мяркуючы па ўсім, восень — вясёлая часінка для ласёў ў Швецыі. Нядаўна аднаго п’янага лася давялося здымаць з яблыні. А надоечы іншы падпіты сахаты зацягнуў у лес дзіцячыя арэлі.
Вярнуўшыся ўвечары ў сераду дадому з працы, жыхар горада Сторэбро на поўдні Швецыі (акруга Кальмар) пабачыў у сябе ў садзе сляды п’янага ласінага дэбошу.
Паўсюль валяліся агрызкі гнілых яблыкаў, ад якіх захмялеў лось, піша The Local. Акрамя таго, некуды падзеліся дзіцячыя арэлі, што віселі на дварэ.
Мужчына патэлефанаваў у паліцыю, якая, у сваю чаргу, звязалася з мясцовым паляўнічым і папрасіла яго адшукаць след лася. Выявіць жывёліну не ўдалося, аднак знайшліся арэлі — на дрэве за паўкіламетра ад дома.
Цяпер чытаюць
Пісьменніца Таццяна Заміроўская расказала пра новую кнігу, сны пра Лукашэнку, кошт жыцця ў Нью-Ёрку і тое, чаму злуе на некаторых беларусаў8
Каментары