Абвінавачванне: Канавалаў загадзя выбіраў для сябе бяспечнае месца на станцыі «Кастрычніцкая»
Такі каментар зрабіў сёння дзяржабвінаваўца Дзмітрый Цімафееў, калі былі паказаны кадры з камер назірання.
якія знялі дзеянні Дзмітрыя Канавалава.
У судзе прадэманстравалі, як Канавалаў ездзіў на разведку да месца будучага выбуху. У прыватнасці, відаць,
як ён ідзе па тунэлю з «Купалаўскай» на «Кастрычніцкую» і прыпыняецца на выхадзе з яго, глядзіць на будучае месца закладкі бомбы.Пакідаючы станцыю, ён таксама абарочваецца. «Выбраў для сябе бяспечнае месца», — пракаменціраваў дзяржабвінаваўца.
Акрамя таго, сёння былі прадстаўлены кадры з запісу сістэмы відэанагляду, зробленыя раніцай 10 красавіка на чыгуначным вакзале ў Віцебску. На іх адлюстраваны Канавалаў з сумкай. З відэазапісу зразумела, што ён у той дзень некаторы час знаходзіўся на вакзале, выпіў нейкі напітак, верагодна, каву або чай. Потым Дзмітрый узяў сумку і пайшоў да выхаду. Сумка была з надпісам West. Менавіта пра такую сумку гаварыў у сваіх паказаннях Кавалёў.
«Даволі важкая, цяжкая сумка, яму даводзіцца нахіляцца, каб несці»,— адзначыў пракурор у час дэманстрацыі запісаў.
Паказалі ў судзе і кадры з вакзала
На іх відаць, як Канавалаў ідзе з сумкай, выйшаўшы з цягніка. У тым ліку ён ідзе па падземным пераходзе.Паказаны і кадры са станцыі «Кастрычніцкая», калі з цягніка, які прыехаў з боку «Плошчы Леніна», выходзяць Канавалаў і Кавалёў. Потым яны ідуць на станцыю «Купалаўская». Відаць, як Кавалёў дапамагае несці ўсё тую ж сумку.
На станцыі «Купалаўская» абодва селі на цягнік, які ехаў у бок «Фрунзенскай». Таксама былі паказаны кадры, дзе яны выходзяць на «Фрунзенскай»
і разам нясуць сумку.
У зале суда была паказана здымка розных камер нагляду, зробленая з розных вуглоў. Кадры адзначаны таймерам, стаіць дата.
Цяпер чытаюць
Лосік расказаў, як Бабарыку катавалі ў наваполацкай калоніі25
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1010
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х10
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары