Цудаў не бывае: Старшынёй СПБ пераабралі Чаргінца і падтрымалі Лукашэнку
Дэлегаты другога з’езда Саюза пісьменнікаў Беларусі, які прайшоў 17–18 кастрычніка ў Мінску, пераабралі старшынёй арганізацыі Мікалая Чаргінца.
Паводле афіцыйнай інфармацыі падліковай камісіі, за дзейнага старшыню СПБ прагаласаваў 461 дэлегат, супраць — адзін, трое ўстрымаліся.
Дэлегаты з’езда таксама абралі 23 членаў праўлення СПБ, двух сакратароў праўлення і пяць прадстаўнікоў рэвізійнай камісіі.
Аднагалосна работа праўлення саюза за мінулыя пяць гадоў была прызнаная здавальняючай.
Дэлегаты з’езда прынялі выніковую рэзалюцыю. Згодна з тэкстам дакумента, СПБ адзначае «пазітыўны ўдзел» дзяржавы ў развіцці літаратурнага накірунку нацыянальнай культуры і адукацыі. Адзначаецца, што дзяржава актыўна падтрымлівае, у прыватнасці,
Як вынікае з рэзалюцыі, саюз будзе хадайнічаць аб уключэнні часопісаў «Бярозка» і «Роднае слова» ў спіс сродкаў масавай інфармацыі, рэдакцыям якіх аказваецца падтрымка з рэспубліканскага бюджэту ў адпаведнасці з ўказам прэзідэнта аб падтрымцы асобных СМІ і некаторых арганізацый.
«Мы цалкам падтрымліваем палітыку, якую праводзіць усенародна абраны прэзідэнт Рэспублікі Беларусь Аляксандр Лукашэнка, — адзначаецца ў рэзалюцыі. — Толькі самаадданая стваральная праца, у тым ліку на літаратурнай творчай ніве, з’яўляецца падмуркам таго, што Рэспубліка Беларусь, застаючыся незалежнай і суверэннай дзяржавай, праводзячы самастойную палітыку, з кожным годам будзе ўсё больш квітнець і багацець».
Падчас выступаў некаторыя пісьменнікі адзначалі, што іх калегі мала робяць, каб захаваць беларускую мову; таксама штогод адкрываюцца рускамоўныя, але зачыняюцца беларускамоўныя школы, спыняюць працу беларускамоўныя выданні, напрыклад газета «Раніца». Між тым, прапанова ўнесці ў рэзалюцыю праўку пра тое, што члены СПБ «сур’ёзна заклапочаныя» станам беларускай мовы ў краіне, была адхілена.
Галоўны рэдактар часопіса «Вясёлка» Уладзімір Ліпскі сказаў, што парады мінулага пленума праўлення СПБ адносна пытанняў дзіцячай літаратуры «ніяк не выконваюцца». Ён параіў калегам навучыцца піярыць свае творы.
Арыштаваны дырэктар Палаца Рэспублікі, адзін з арганізатараў Марафона адзінства9
Каментары