Скандальная гісторыя здарылася ў Маскве.
Супраць сям'і расійскага рок-музыканта Андрэя Гірныка заведзена крымінальная справа. Напярэдадні рабаўнік уварваўся ў іх кватэру і адкрыў агонь па ўдаве і двум сынам музыканта. Аказваючы адпор, мужчыны збілі нападніка да смерці. Самі яны патрапілі ў бальніцу ў цяжкім стане. Праваахоўныя органы афіцыйна інфармацыю не каментуюць.
Сям'і рок-музыканта, якая аказала супраціў узброенаму рабаўніку, пагражае крымінальны пераслед. Пра гэта «Інтэрфаксу» паведаміла крыніца ў праваахоўных органах.
Па яго словах, у сераду
ў кватэру ўварваўся мужчына, адкрыў стральбу з пісталета, мяркуецца, з мэтай разбойнага нападу, але атрымаў адпор і памёр на месцы.
Суразмоўца адзначыў, што кватэра належыць сям'і нябожчыка рок-музыканта Андрэя Гірныка. У кватэры знаходзілася ўдава гітарыста Ала Гірнык і яе сыны — 20-гадовы Андрэй і 27-гадовы Мікіта. Выданне LifeNews напярэдадні пісала, што нападнік — 21-гадовы Рамазан Балкоеў.
Яму адчынілі дзверы, таму што чакалі госця.
Калі ён уварваўся ў кватэру, то адкрыў стральбу. Параненыя браты далі налётчыку адпор і збілі яго. Адзін з іх праламаў злачынцу галаву, з-за чаго той памёр на месцы. Пацярпелыя былі сур'ёзна паранены, Мікіту Гірныка даставілі ў рэанімацыю з раненнем патыліцы, грудзі і левага пляча. Яго брату Андрэю спатрэбілася транспартаванне на верталёце: са шматлікімі агнястрэльнымі раненнямі грудзей, ног, галовы яго перавезлі ў гарадскую бальніцу № 36. Іх маці пацярпела менш за ўсіх, у яе непранікальнае раненне паяснічнай вобласці, рэзаная рана левай кісці, гематома жывата. «Я зараз у бальніцы, Андрэй у рэанімацыі, стан цяжкі», — сказаў «Газеце.Ru» Іван Ткачоў, лідар музычнай групы Mercedes Dance, у склад якой уваходзіў Андрэй Гірнык.
Крымінальная справа заведзена па арт. 108 УК РФ (забойства, здзейсненае пры перавышэнні неабходнай абароны).
Віну за смерць налётчыка, па словах крыніцы «Інтэрфакса», на сябе ўзяла Ала Гірнык. Яна заявіла, што менавіта яна стукнула яго цяжкім прадметам па галаве. На месцы здарэння быў знойдзены пісталет з глушыльнікам, з якога страляў рабаўнік. Крыніца адзначае, што зброя была траўматычнай і пераробленай для стральбы баявымі патронамі. Таксама ў злачынцы знайшлі траўматычны рэвальвер.
Афіцыйна праваахоўныя органы інфармацыю пра завядзенне справы ў дачыненні сям'і Гірнык не каментуюць.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3
Каментары