Чыноўнік-беларусафоб Андрэй Герашчанка звольнены ў сувязі са сканчэннем кантракта
Ён быў начальнікам аддзела па справах моладзі адміністрацыі Кастрычніцкага раёна Віцебска.
Начальнік аддзела па справах моладзі адміністрацыі Кастрычніцкага раёна Віцебска Андрэй Герашчанка, які набыў скандальную вядомасць пасля публікацыі шэрага антыбеларускіх матэрыялаў, звольнены ў сувязі са сканчэннем кантракта.
«Справа Герашчанкі» пачалася пасля таго, як чыноўнік даў інтэрв’ю расейскаму парталу «Материк», дзе разважаў пра штучнасць беларускай мовы, культуры і адмаўляў існаванне беларускай нацыі, а Беларусь назваў «ещё одним русским государством».
Падобныя выказванні дзяржаўнага служачага выклікалі рэзкую рэакцыю кіраўніка Адміністрацыі прэзідэнта Уладзіміра Макея, і старшыні афіцыёзнага саюза пісьменнікаў, сябрам якого з’яўляецца Герашчанка, Мікалая Чаргінца, які заявіў, што «мы будзем з такімі распраўляцца». У выніку віцебскі чыноўнік быў адзіным на апошнім з’едзе праўладнага саюза пісьменнікаў, хто прагаласаваў супраць перабрання былога міліцэйскага генерала старшынём.
Андрэй Герашчанка заяўляў, што ў лютым яму параілі звольніцца, аднак па сваім жаданні ён сыходзіць не стаў. Цяпер падобна на тое, што адэпту Вялікай Расіі прыйдзецца пашукаць новае працоўнае месца замест утульнага чыноўніцкага крэсла.
23 лістапада ён атрымаў афіцыйнае уведамленне, што адміністрацыя Кастрычніцкага раёна спыняе з ім працоўныя стасункі з 26 снежня ў сувязі са сканчэннем тэрміна кантракта.
-
Ездзілі шукаць нават у БССР, а неапазнанае цела тры дзесяцігоддзі захоўвалася ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша
-
«Нашых дзяцей з дзяцінства прывучалі да трансгендарных лялек». Шпілеўская знайшла карысць ад заходніх санкцый
-
Нятаннае паліто беларускага брэнду сапсавалася за 20 хвілін праз вільготнасць на вуліцы
Цяпер чытаюць
Чаму паліграф — не панацэя. Колькі агентаў ён бы выявіў у Каардынацыйнай радзе?18
Каментары