Жудкая аварыя на МКАД: легкавік зляцеў з моста — загінулі трое +фоты
ДТЗ адбылася каля заезду з Зацані.
Трагедыя адбылася раніцай 27 лістапада на ўнутраным боку мінскай акружной дарогі, паведамляе Auto.onliner.by.
Паводле папярэдніх звестак, Volkswagen Golf ехаў з боку праспекта Пераможцаў у кірунку Даўгінаўскага гасцінца. Каля Зацані ён выехаў за межы праезнай часткі і перакуліўся, паведаміла старшая інспектарка агітацыі і прапаганды ДАІ Цэнтральнага раёна Настасся Цыбіна. Загінулі тры чалавекі.
Паводле інфармацыі ДАІ, за рулём знаходзіўся малады чалавек 1991 года нараджэння. У салоне таксама ехалі яго сястра (2005 года нараджэння) і маці (1965 года нараджэння).
— Кіроўца і жанчына загінулі практычна адразу. За жыццё дзяўчынкі лекары змагаліся да апошняга, але траўмы былі занадта цяжкімі, — распавяла Цыбіна.
Паводле інфармацыі ДАІ, Volkswagen зваліўся з моста — проста каля заезду з Зацані на МКАД. Аўтамабіль апынуўся на даху.
На месца адразу выехала следчая група. Разглядаюцца некалькі версій здарэння. Адна з іх — кіроўца мог заснуць за рулём. Па словах інспектараў, тармазны шлях адсутнічае. Будзе распачатая крымінальная справа.
Як высветлілася, жанчына працавала галоўным бухгалтарам Свята-Елісавецінскага манастыра ў Навінках, яе сын — там жа рэзчыкам па дрэве.
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1111
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х11
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары