Лябедзька: У АГП упершыню няма ніякай цікавасці браць удзел у парламенцкіх выбарах
У Аб’яднанай грамадзянскай партыі «ўпершыню няма ніякай цікавасці браць удзел у парламенцкіх выбарах», заявіў лідар партыі Анатоль Лябедзька 19 снежня на пасяджэнні круглага стала, прысвечанага гадавіне прэзідэнцкіх выбараў у Беларусі.
Нагадаем, парламенцкія выбары павінны прайсці восенню 2012 года.
АГП склала спіс тых, хто жадае браць удзел у парламенцкіх выбарах у якасці кандыдатаў у дэпутаты. «У гэтым спісе няма лідараў партыі. Найбольш моцныя і вядомыя лідары АГП не будуць браць удзел у выбарах», — зазначыў ён.
Тым не менш, сказаў Лябедзька, АГП будзе выкарыстоўваць выбарчую кампанію ў інфармацыйных мэтах. «Падчас кампаніі мы будзем даносіць да людзей антыкрызісную праграму АГП, „Малую Канстытуцыю“ і іншыя распрацоўкі АГП», — зазначыў ён.
Як заявіў Лябедзька, у пытанні ўдзелу або няўдзелу ў выбарах у парламент у 2012 годзе партыя будзе вырашаць некалькі задач. Адносна ўнутранай беларускай сітуацыі — паказаць адзінства суб’ектаў кааліцыі дэмакратычных партый. Таму агульнае рашэнне, якое яшчэ будзе выпрацавана адносна парламенцкіх выбараў у межах «кааліцыі шасці», мы падпішам. Адносна міжнароднай рэакцыі на гэтыя выбары наша задача — даць агульную ацэнку сітуацыі з выбарамі ў Беларусі наогул, пачынаючы ад ацэнкі агульнай палітычнай сітуацыі, у якіх яны праходзяць, да ўмоў правядзення гэтых выбараў», — сказаў Лябедзька.
На яго думку, міжнародныя арганізацыі, перадусім АБСЕ, павінны мець «агульную ацэнку таго, што адбываецца ў Беларусі». «Наша задача — паказаць нелегітымнасць выбараў у прынцыпе», — зазначыў ён.
Цяпер чытаюць
Закінутую сядзібу Багдановічаў пераробяць у буціковы гатэль ФОТЫ5
Каментары