У Англіі ў веку 89 гадоў памёр удзельнік Алімпіяды-1952 у складзе зборнай Вялікабрытаніі па фехтаванні Боб Андэрсан.
Знакаміты ён перадусім не сваёй спартыўнай дзейнасцю. Пры стварэнні вобразу Дарта Вэйдара з «Зорных войнаў» удзельнічалі тры чалавекі, з якіх адзін рухаўся, іншы агучваў, а трэці — фехтаваў.
На знакамітых светлавых мячах фехтаваў менавіта Андэрсан, які акрамяАлімпіяды-1952 прымаў удзел у некалькіх чэмпіянатах свету па фехтаванні.
На сусветных першынствах будучы бацька Люка Скайуокера поспеху не дамогся, таму вырашыў пайсці ў кіно. Твар Андэрсана на экране практычна не паказваўся, аднак яму гэта і не надта было патрэбна. Усё, чаго ён хацеў — паказваць свету прыгажосць мяча, які называў «абсалютнай зброяй».
Усе фехтавальныя баі Галівуду і не толькі — пастаноўка Андэрсана. Ён ставіў баі ў такіх карцінах, як «Горац», «Зора» і «Уладар пярсцёнкаў».
Апошнія дні гады свайго жыцця ён не кідаў улюбёнага фехтавання, дапамагаючы ствараць бітвы ў апошніх частках «Піратаў Карыбскага мора» і «Хобітаў».
«Я быў вельмі ўсхваляваны, калі са мной пагадзіўся працаваць такі майстар, як Андэрсан, — казаў рэжысёр „Уладара пярсцёнкаў“ Пітэр Джэксан.
— Боб быў бліскучым фехтавальшчыкам і таленавітым педагогам.Я буду памятаць яго як вельмі цярплівага чалавека, які меў выдатнае пачуццё гумару».
-
Віцебскі футбаліст, які абразіў падчас матча камерунца, ездзіў у Смаргонь прасіць у яго прабачэння
-
Беларускі футбаліст назваў суперніка «чорным шымпанзэ». Яму пагражае дыскваліфікацыя і штраф
-
Беларускаму футбольнаму трэнеру, які прайграў 8 з 9 апошніх матчаў, плацяць у Расіі па 60 тысяч еўра на месяц
Каментары