«Мы катэгарычна не згодныя, што Дзяржынскі — наш ідэал»

Бабруйская праваслаўная япархія мае намер дамагацца кананізацыі святароў, расстраляных за адданасць веры ў часы бальшавіцкага і сталінскага тэрору.

У тым, што царква прызнае забітых святароў пакутнікамі за веру, сумневаў у япархіі няма, а вось свецкага ўвекавечання іх памяці, лічаць тут, прыйдзецца чакаць доўга.

Пакуль Бабруйская япархія падала ў камісію па кананізацыі Беларускай праваслаўнай царквы звесткі толькі аб адным забітым святары — Паўле Сяўбе. Яго расстралялі па прысудзе «тройкі» 16 лютага 1938 года. Перад арыштам ён хрысьціў немаўля. Святара абвінавацілі ў «антысавецкай дзейнасці» і «ўдзеле ў контррэвалюцыйнай кулацкай арганізацыі».

«У праваслаўным веравучэнні апошні подзвіг — вызначальны. Ён верыў, што калі не пойдзе хрысціць, то захавае жыццё сабе, але тады, магчыма, немаўля памрэ нехрышчоным.

Паводле яго слоў, дыяцэзія рыхтуе звесткі ў камісію яшчэ на чатырох забітых святароў. Працэс кананізацыі надзвычай працяглы, кажа ён, бо патрабуе дакладных сведчанняў бездакорнага служэння веры. Колькі было знішчана святароў у 20-30-я гады мінулага стагоддзя на тэрыторыі дыяцэзіі, дакладна пакуль не ўстаноўлена.

«Сто адзінаццаць чалавек… Гэта толькі святароў. Практычна ва ўсіх выпадках у прысудах былі запісаны і простыя прыхаджане. Калі казаць пра свецкіх, дык гэта тысячы людзей. Пакуль за іх вядуцца толькі памінальныя службы», — адзначае айцец Зміцер.

Ці доўга прыйдзецца чакаць увекавечання памяці пакутнікаў за веру ў свецкім жыцці?

«Для таго каб адбылося грамадскае прызнанне, — кажа ён, — неабходная пэўная пазіцыя улады, каб яна дыстанцыявалася ад таго, што адбывалася ў тыя страшныя гады. А 

калі цяпер кажуць пэўныя структуры, што Дзяржынскі — наш ідэал, дык мы катэгарычна з гэтым не згодныя і патрабуем прызнання злачыннага характару такіх дзеянняў».

У Бабруйску, на плошчы Перамогі, усталяваны памятны знак ахвярам масавых рэпрэсій. У мінулым года на Дзмітраўскія Дзяды да яго са свечкамі ад Свята-Мікалаеўскага сабора, каб ушанаваць памяць бязвінна забітых, збіраліся дайсці чацвёра актывістаў. Іх затрымалі, а пазней прызналі вінаватымі ў несанкцыянаваным палітычным шэсці.

Старшыня бабруйскай суполкі Аб’яднанай грамадзянскай партыі Віктар Бузінаеў кажа, што ў метадах супрацьстаяння ўлады з грамадствам мала што змянілася з 1920-30-х гадоў мінулага стагоддзя, таму пакутнікаў за справядлівасць і веру не будзе ў Беларусі менш ні ў рэлігійным жыцці, ні ў свецкім. «У 1937-38-м іх расстралялі б, цяпер жа — толькі аштрафавалі Калі б былі развязаныя рукі, то і расстралялі б. Яны ж не думаюць аб сваім народзе, аб яго будучыні, а толькі пра ўласную бяспеку і ўладу», — кажа ён.

У абарону актывістаў выступіла Бабруйская праваслаўная епархія.

Святары прасілі, каб суддзя Таццяна Тарабуева ўлічыла тое, што маладых людзей затрымалі каля царквы са свечкамі на Дзяды, і каб падышла да разгляду справы далікатна. У выніку актывістам прысудзілі па 700 тысяч рублёў штрафу.

• 0
• 0
• 0
• 0
• 0
• 0
• 0
• 0