Сваякі адваката, застрэленага мінулай пятніцай ў Махачкале разам са сваяком і абвешчанага баевіком, які супраціўляўся, не вераць у афіцыйную версію і заяўляюць пра расправу над ім,пра што праз сацыяльныя сеткі ўжо даведалася ўся рэспубліка, прычым адбылося гэта напярэдадні мітынгу супраць сілавікоў, піша расейская газета «Коммерсант».
У мінулую пятніцу супрацоўнікі праваахоўных органаў правялі ў Дагестане аперацыю, падчас якой, як было афіцыйна абвешчана, загінулі адвакат Умар Сагідмагамедаў і яго сваяк Расул Курбанаў.
Паводле афіцыйнай версіі рэспубліканскага кіравання Следчага камітэта, увечары 20 студзеня на вуліцы Котрава ў Махачкале супрацоўнікі праваахоўных органаў паспрабавалі спыніць для праверкі дакументаў
Як піша газета,
відавочцы здарэння і сваякі Расула Курбанава трымаюцца іншай версіі падзеяў,якая дзякуючы сацыяльным сеткам хутка распаўсюдзілася па рэспубліцы. З іх аповеду вынікае, што адвакат ехаў у госці да свайго стрыечнага брата на ўласнай машыне, а калі Расул Курбанаў выйшаў на вуліцу з хаты ў адных тапачках, каб праводзіць Умара, да іх на вялікай хуткасці пад’ехаў браняваны «УАЗ», з люка якога спецназавец з ручнога кулямёта расстраляў адваката і яго сваяка.
Зрабіўшы кантрольныя стрэлы і выпусціўшы некалькі куляў па машыне адваката, як піша са спасылкай на відавочцаў газета, байцы невядомага падраздзялення, «не бянтэжачыся прысутнасці выбеглага з дома бацькі Курбанава і іншых сведкаў», дачакаліся паліцэйскіх, сабралі стрэляныя гільзы і толькі потым з’ехалі.
Па словах сваяка забітых Мурада Ахмедава, з цела Расула Курбанава дасталі больш за 30 куляў. «Яны стралялі разрыўнымі, цела было практычна разарвана на кавалкі, — апавёў ён. — У моргу нам выдалі цела толькі пасля таго, як мы паказалі следчаму даведку з МУС і ФСБ, што забітыя не былі членамі незаконных узброеных фармаванняў і што супрацоўнікі гэтых структураў не праводзілі супраць іх спецаперацыю».
Сваякі і калегі адваката Сагідмагамедава з адвакацкай канторы «Каўказ» ўпэўненыя, што асноўнай мэтай тых, хто нападаў, быў менавіта ён. Адвакат абараняў абвінавачаных ва ўдзеле ў незаконных узброеных фармаваннях і злачынствах тэрарыстычнай накіраванасці.
У прыватнасці, адной з апошніх яго справаў была справа братоў Сэфербекавых, абвінавачаных у забойстве дырэктара школы ў вёсцы Савецкае Магарамкенцкаго раёна. Згодна з версіяй следства, той зрабіўся ахвярай помсты баевікоў за забарону нашэння хіджабаў ў навучальнай установе. Па словах брата забітага адваката, у яго былі відэазапісы катаванняў у СІЗА і пра гэта было вядома сілавікам. Курбанав жа, на меркаванне відавочнікаў, стаў выпадковай ахвярай.
На думку «Коммерсанта», гібель адваката і яго сваяка можа «рэзка абвастрыць сітуацыю ў рэспубліцы напярэдадні чарговага мітынгу супраць самаўпраўнасці сілавікоў», прызначанага на 27 студзеня. «Зараз да акцыі могуць далучыцца нават такія, як я, — сказаў сваяк забітага Ахмедаў, — хто ніколі не падумваў аб удзеле ў такіх мерапрыемствах і нават не верыў у магчымасць такіх жорсткіх пазасудовых расправаў».
Каментары