Валерый Карбалевіч: У Беларусі праблема палітзняволеных мала хвалюе насельніцтва
«Яна не вельмі хвалюе насельніцтва, хаця яно негатыўна ацэньвае наяўнасць палітзняволеных, але яна не з'яўляецца фактарам, які прымушае насельніцтва да нейкіх дзеянняў», — лічыць палітолаг.
У Беларусі наяўнасць палітзняволеных не выклікае народнага абурэння і не падштурхоўвае людзей на публічныя акцыі. Такое меркаванне выказаў БелаПАН палітолаг Валерый Карбалевіч 5 лютага ў Магілёве, дзе ён прэзентаваў сваю кнігу «Аляксандр Лукашэнка. Палітычны партрэт».
Паводле слоў Карбалевіча, праблема палітзняволеных хвалюе апазіцыю, хвалюе трэці сектар. «Яна не вельмі хвалюе насельніцтва, хаця яно негатыўна ацэньвае наяўнасць палітзняволеных, але яна не з'яўляецца фактарам, які прымушае насельніцтва да нейкіх дзеянняў», — лічыць палітолаг.
На яго думку, наяўнасць палітзняволеных усё ж уплывае на палітычную сітуацыю ў Беларусі. «Па-першае, у адносінах з Захадам гэта галоўная праблема, якая перашкаджае нармалізацыі, размарожванню адносінаў. З пункту гледжання ўнутранай палітыкі гэта такая назола, якая сядзіць у грамадскім арганізме, ные і баліць, і без яе вырашэння цяжка гаварыць не толькі аб узаемаадносінах Беларусі з Захадам, але нават аб узаемаадносінах унутры краіны. Бо апазіцыя пытанне аб байкоце ўздымае ў сувязі з палітзняволенымі», — адзначыў Карбалевіч.
Адказваючы на пытанне, чаму нават пасля падачы прашэнняў аб памілаванні Андрэй Саннікаў і Дзмітрый Бандарэнка ўсё яшчэ знаходзяцца за кратамі, Карбалевіч сказаў, што, магчыма, улады чакалі «нейкі іншы дакумент атрымаць ад іх, дзе б яны раскайваліся, абяцалі больш так не рабіць і штосьці яшчэ». «Гэта значыць прымусіць да поўнай палітычнай капітуляцыі. Гэта першы момант. Другі момант: напэўна, чакаюць, што Захад за гэта штосьці заплаціць, паколькі гэта дастаткова дарагі тавар — кандыдат у прэзідэнты. Па-трэцяе, напэўна, чакаюць, пакуль сапсуюцца адносіны з Расіяй. І тады гэты козыр выцягнуць на стол і пададуць сігнал Захаду аб нармалізацыі адносінаў і вызваленні палітзняволеных», — падзяліўся меркаваннем палітолаг.
Як лічыць Карбалевіч, улады прызналі наяўнасць прашэнняў аб памілаванні ад палітзняволеных, «значыць, працэдура запушчана, і хутчэй рана, чым позна яны будуць вызвалены».
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары