Палітвязню дазволілі патэлефанаваць з калоніі.
Ад палітвязня Эдуарда Лобава прыйшоў ліст. У ім Эдуард паведаміў маме, што на 2 сакавіка напісаў заяву з просьбай дазволіць спатканне. Просьба пакуль не задаволена.
Эдуард таксама атрымаў адмову на абскарджванне прысуда з Вярхоўнага Суда. Абгрунтавалі яе тым, што на працэсе пацярпелыя і сведкі далі дакладныя звесткі.І ў іх няма разыходжанняў.
Як вядома, сведчылі супраць Лобава пацярпелыя, якія ў свае прыкладна 30 гадоў нідзе ніколі (!) не працавалі. Праваабаронцы выказалі меркаванне, што двое «пацярпелых» — гэта так званыя «ціхушнікі», асобы, завербаныя для правакацый. У такі стан часта трапляюць дэкласаваныя элементы, залежныя ад алкаголю.
Маці Лобава, Марына, сказала, што да ліста сын тэлефанаваў ёй з калоніі.
Ён у курсе таго, што Андрэй Саннікаў падпісаў прашэнне аб памілаванні. Але па словах жанчыны, ніяк не каментаваў навіну.Яна ўпэўнена, што Эдуард не асуджае такі ўчынак палітыка. Як не асуджаў і раней вызваленых палітвязняў, хто напісаў прашэнне.
Эдуард Лобаў адбывае пакаранне ў калоніі ў Івацэвічах. Па словах маці, працы асаблівай у яго няма.
Сын сячэ дровы на патрэбы калоніі — для сталоўкі, ацяплення.
Каментары