Palitviaźniu dazvolili patelefanavać z kałonii.
Ad palitviaźnia Eduarda Łobava pryjšoŭ list. U im Eduard paviedamiŭ mamie, što na 2 sakavika napisaŭ zajavu z prośbaj dazvolić spatkańnie. Prośba pakul nie zadavolena.
Eduard taksama atrymaŭ admovu na abskardžvańnie prysuda ź Viarchoŭnaha Suda. Abhruntavali jaje tym, što na pracesie paciarpiełyja i śviedki dali dakładnyja źviestki.I ŭ ich niama razychodžańniaŭ.
Jak viadoma, śviedčyli suprać Łobava paciarpiełyja, jakija ŭ svaje prykładna 30 hadoŭ nidzie nikoli (!) nie pracavali. Pravaabaroncy vykazali mierkavańnie, što dvoje «paciarpiełych» — heta tak zvanyja «cichušniki», asoby, zavierbanyja dla pravakacyj. U taki stan časta traplajuć dekłasavanyja elemienty, zaležnyja ad ałkaholu.
Maci Łobava, Maryna, skazała, što da lista syn telefanavaŭ joj z kałonii.
Jon u kursie taho, što Andrej Sańnikaŭ padpisaŭ prašeńnie ab pamiłavańni. Ale pa słovach žančyny, nijak nie kamientavaŭ navinu.Jana ŭpeŭniena, što Eduard nie asudžaje taki ŭčynak palityka. Jak nie asudžaŭ i raniej vyzvalenych palitviaźniaŭ, chto napisaŭ prašeńnie.
Eduard Łobaŭ adbyvaje pakarańnie ŭ kałonii ŭ Ivacevičach. Pa słovach maci, pracy asablivaj u jaho niama.
Syn siače drovy na patreby kałonii — dla stałoŭki, aciapleńnia.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2323
Kamientary