Хваляванні на «Палессі» ў Пінску: «Работнікі вельмі агрэсіўныя»
У студзені на фабрыцы было ўсяго 17 рабочых дзён, людзі на мяжы галечы.
У адміністрацыі пінскага«Нашы рабочыя сапраўды вельмі агрэсіўныя. Калі яны выйдуць, то баставаць будуць не ў цэху, яны перакрыюць дарогу», — сказалі ў прыёмнай гендырэктара.прамыслова-гандлёвага аб’яднання «Палессе» абверглі інфармацыю пра страйк работнікаў пашывачнага цэха, аднак прызналі, што канфлікт меў месца.
Асноўнае патрабаванне швачак — павышэнне зарплаты.
— Справа ў тым, што ў студзені ў працоўных было ўсяго 17 працоўных дзён (графік быў зацверджаны). Натуральна, швачкі атрымлівалі мала грошай, — распавёў чытач з Пінска. — Не можам дакладна сказаць, колькі чалавек баставала, але парадку сотні напісалі заявы на звальненне, бо не згодныя з жабрацкай зарплатай. А гэта ж некалі быў флагман легпрама…
У прыёмнай генеральнага дырэктара «Палесся» распавялі, што рабочыя часта бываюць незадаволеныя.
— Забастоўкі ў нас як такой не было, былі моманты, але ў нас такія моманты з’яўляюцца
Паводле яе слоў, такія
праблемы вырашаюцца на ўзроўні дырэктара фабрыкі або генеральнага дырэктара. Прадстаўніца аб’яднання паведаміла, што начальству і працоўным ўжо ўдалося знайсці выхад з нядаўняга канфлікту.
— Проста людзям дзесьці нешта было незразумела, можа і начальнікі цэхаў няправільна сябе павялі. Калі ім растлумачылі усё, што трэба, яны супакоіліся і пайшлі працаваць, — паведаміла Аліна Мелінковіч і прызнала. — У нас быў няпоўны месяц. Гэта значыць,
ніякай пазаштатнай сітуацыі ў нас не было, няма таго моманту, каб сёння падымаць бучу.Нашы рабочыя, вы ведаеце, сапраўды вельмі агрэсіўныя.
Калі яны выйдуць, яны страйкаваць будуць не ў цэху, яны перакрыюць дарогу. Вось гэта называлася б страйк. А пакуль гэта не страйк.
Спн. Мелінковіч параіла «не давяраць гэтай інфармацыі і не раздзімаць яе». Паводле яе слоў, усё на прадпрыемстве «пад кантролем і ўсё нармальна: рабочыя працуюць».
Каментары