Рэсурсы, выдзеленыя ў рамках новай праграмы MEDIA 2007, будуць накіраваныя на разьвіцьцё эўрапейскай кінаіндустрыі ў бліжэйшыя сем год.
Бюджэт праграмы накіраваны на падтрымку пяці асноўных накірункаў, у прыватнасьці: навучаньне спэцыялістаў (7%), разьвіцьцё сфэры кінавытворчасьці (20%), распаўсюджваньне прадукцыі (55%), прасоўваньне на рынку (9%), падтрымка малых і сярэдніх прадпрыемстваў і пілётных праектаў (9%).
Адной з асноўных мэтаў праграмы зьяўляецца адаптацыя эўрапейскай кінаіндустрыі да разьвіцьця найноўшых лічбавых тэхналёгіяў.
“Лічбавыя тэзналёгіі істотным чынам зьмяняюць працу кінаіндустрыі” – сказала на гэты конт Эўрапейскі Камісар па пытаньнях інфармацыйнага грамадзтва і СМІ Вів’ен Рэдзінг. “Распаўсюджваньне лічбавых тэхналёгіяў праз навучаньне нашых спэцыялістаў, мадэрнізацыю нашых кінатэатраў і разьвіцьцё новых каналаў дыстрыбуцыі зьяўляюцца ключавымі элемэнтамі посьпеху”, - падкрэсьліла Камісар.
Праграма MEDIA, накіраваная на падтрымку эўрапейскага аўдыёвізуальнага сэктара, была заснаваная ў 1991 г. Праграма разьлічаная на падтрымку праектаў у 31-й дзяржаве: 27 краінах Эўразьвязу, Ісляндыі, Ліхтэнштэйне, Нарвэгіі і Швайцарыі.
Штогод праграма фінансуе каля 300 новых эўрапейскіх кінапраектаў. Палова эўрапейскіх кінастужак трапляюць у пракат пры падтрымцы Эўрапейскай Камісіі. Больш падрабязна
http://europa.eu/rapid/pressReleasesAction.do?reference=IP/07/169&format=HTML&aged=0&language=EN&guiLanguage=en>Больш падрабязна
Справа Софтклуба: затрыманы патрыярх беларускага ІТ Уладзімір Сіротка і некалькі топ-менеджараў. Яны падарылі нам АРІП17
Каментары