Міністэрства юстыцыі адмовіла ў дзяржаўнай рэгістрацыі партыі «Беларуская хрысціянская дэмакратыя» (БХД).
Пры вывучэнні дакументаў БХД аб дзяржрэгістрацыі, якія паступілі ў Мінюст 20 снежня 2011, у іх быў знойдзены шэраг неадпаведнасцяў і супярэчнасцяў. Міністэрства юстыцыі двойчы запытвала ў БХД канкрэтныя дакументы, якія маюць дачыненне да яе стварэння. «Аднак у гэтых запытах прадстаўнікамі БХД было адмоўлена, у сувязі з чым Міністэрства юстыцыі было вымушана прыпыніць дзяржаўную рэгістрацыю гэтай партыі», зазначае БелТА са спасылкай на Мінюст.
У цэлым аналіз наяўных дакументаў паказаў, што ў працэсе стварэння БХД быў парушаны усталяваны парадак яе стварэння, пададзеныя падробленыя і несапраўдныя дакументы.
Так, колькасць дэлегатаў, абраных на ўстаноўчы з’езд БХД, не адпавядала норме прадстаўніцтва, устаноўленай ініцыятарамі яе стварэння. Пры правядзенні ўстаноўчага з’езду не былі належным чынам устаноўленыя паўнамоцтвы асобаў, што на яго прыбылі. Гэтыя і іншыя выяўленыя парушэнні сведчаць пра нелегітымнасць устаноўчага з’езду, лічаць у Мінюсце.
«Нягледзячы на запыт Міністэрства юстыцыі, БХД не прадаставіла таксама пацверджання паўнамоцтваў арэндадаўца на рэшту памяшкання ў арэнду БХД, у сувязі з чым гарантыйны ліст аб наяўнасці ў БХД юрыдычнага адрасу не можа быць прызнана дакументам, якія маюць юрыдычную сілу», цытуе БелТА.
***
IV Устаноўчы з’езд БХД (для чацвёртай спробы рэгістрацыі партыі, першы раз у 2009 г., яшчэ дзве — у
Цікава, што месяц таму, 19 студзеня 2012 года, на выніковай калегіі Міністэрства юстыцыі ў Мінску міністр Алег Сліжэўскі заявіў, што ў пададзеных для рэгістрацыі дакументах БХД быў выяўлены шэраг парушэнняў. У прыватнасці, парушэнні былі выяўленыя ва ўстаноўчых дакументах, спісах заснавальнікаў партыі. У цэлым яны былі аформленыя неналежным чынам. «Такім чынам, такія дакументы не маглі быць прызнаныя юрыдычна маючымі значэнне», — адзначыў міністр.
«З прычыны гэтага ў адпаведнасці з заканадаўствам Міністэрства юстыцыі вымушана было прыняць рашэнне аб адмове ў рэгістрацыі БХД», адзначыў Алег Сліжэўскі,
Пра тры дні на сайце Мінюста з’явілася інфармацыя, міністр гаварыў пра папярэднія адмовы ў рэгістрацыі БХД.
Цяпер чытаюць
«Міс Беларусь» усё больш нагадвае конкурс прыгажосці ў гарэме20
Каментары