КДБ адказаў нарвежцам у справе побыту ў Мінску Брэйвіка

У адпаведнасці з даручэннем Генеральнай пракуратуры Беларусі Камітэтам дзяржаўнай бяспекі праведзены праверачныя мерапрыемствы па пытаннях, выкладзеных у хадайніцтве генеральнага пракурора Нарвегіі аб аказанні прававой дапамогі па крымінальнай справе ў дачыненні да грамадзяніна гэтай краіны Андэрса Берынга Брэвіка.

Брэйвік учыніў двайны тэрарыстычны акт 22 ліпеня 2011 года ў Нарвегіі, у выніку якога загінулі амаль 80 чалавек.

Адпраўляючы запыт у Беларусь, нарвежскі бок цікавіўся акалічнасцямі знаходжання Брэйвіка ў краіне ў 2005 годзе, яго кантактамі.

Як паведамілі ў цэнтры інфармацыі і грамадскіх сувязяў КДБ, устаноўлена,

што Брэйвік прыбыў 4 сакавіка 2005 года ў нацыянальны аэрапорт Мінск з аэрапорта Вены рэйсам ОS-687 з турыстычнай мэтай.

Праведзенымі праверачнымі мерапрыемствамі пацверджана, што ў іншыя адрэзкі часу Брэйвік Беларусь не наведваў. Пры гэтым улічвалася і магчымасць выкарыстання ім змененых установачных звестак, у тым ліку пры перасячэнні мяжы Беларусі.

Па атрыманых звестках, падчас знаходжання ў Мінску Брэйвік кантактаваў з грамадзянкай Руткоўскай Надзеяй Сяргееўнай, якая пражывала ў той перыяд па вуліцы Садовай мікрараёна Уручча — былога ваеннага гарадка Уручча.

Гэта акалічнасць у наступным стала прычынай для выдумак аб наведвання Брэйвікам ваеннай базы, зазначылі ў КДБ.

У запыце нарвежскага боку была выказана просьба апытаць грамадзяніна Рашэтнікава Міхаіла Васільевіча, які актыўна распаўсюджваў інфармацыю аб акалічнасцях знаходжання Брэйвіка ў Беларусі, і ў прыватнасці атрымаць ад яго адказы на пытанні, ці сустракаўся ён з Брэйвікам, што яму вядома пра паездкі абвінавачванага, ці было яму вядома пра планы, палітычныя і рэлігійныя перакананні абвінавачванага ці групы, у якія ён уваходзіў. Апытанне Рашэтнікава правесці не ўдалося, паколькі з 2007 года ён знаходзіцца за межамі Беларусі і, як мяркуецца, жыве ў Іспаніі.

28 верасня 2010 года Рашэтніка

ў аб’яўлены беларускімі органамі ўнутраных спраў у міжнародны вышук у сувязі з прызнаннем яго абвінавачваным ва ўчыненні ў 2007 годзе злачынства, прадугледжанага ч. 4 арт. 210 КК (крадзеж шляхам злоўжывання службовым становішчам у асабліва буйным памеры), за прысваенне буйной сумы фінансавых сродкаў аднаго з беларускіх прадпрыемстваў.

На думку КДБ, «Рашэтнікаў пачаў наўмысна распаўсюджваць выдуманую і адкрыта лжывую інфармацыю пра Беларусь, спрабуючы пазіцыянаваць сябе палітычным бежанцам для найхутчэйшага набыцця замежнага грамадзянства. Гэтай неправеранай інфармацыяй пакарысталіся асобныя СМІ, у тым ліку інтэрнэт-сайт „Газета.ru“ і тэлеканал НТВ, якія спрабавалі зрабіць сенсацыю з абсалютна непраўдзівых звестак, што, у сваю чаргу, можа сведчыць пра нізкі прафесійны ўзровень адпаведных карэспандэнтаў».

• 0
• 0
• 0
• 0
• 0
• 0
• 0
• 0