У Эўропе ладзяцца акцыі салідарнасьці зь беларускай апазыцыяй, прымеркаваныя да гадавіны прэзыдэнцкіх выбараў у Беларусі і падзеям, што былі пасьля. У ноч на панядзелак у Фінляндыі і 40 гарадох Эўропы былі залепленыя раты помнікам на знак салідарнасьці зь беларускай моладзьдзю, якая, як мяркуюць арганізатары акцыі, прыгнятаецца ў Беларусі.
Арганізатарамі акцыі салідарнасьці выступілі актывісты фінскага аб’яднаньня «Моладзь Эўропы».
«Эўразьвяз мусіць выкарыстаць свой міжнародны ўплыў і патрабаваць ажыцьцяўленьня прынцыпаў дэмакратыі, свабоды слова і правоў чалавека на ўсёй тэрыторыі Эўропы. Урад Аляксандра Лукашэнкі ў Беларусі абмяжоўвае свабоду прэсы, тэлебачаньне знаходзіцца пад кантролем дзяржавы, і грамадзяне ня маюць мажлівасьці ўдзельнічаць у палітычнай дзейнасьці», — гаворыцца ў заяве фінскай арганізацыі.
У рамках «гарачага беларускага тыдня» акцыі салідарнасьці зь беларускай апазыцыяй пройдуць па ўсёй Эўропе, а таксама ў ЗША. У Вашынгтоне 25 сакавіка мае прайсьці дэманстрацыя ў падтрымку беларускіх вязьняў, кінутых у вастрог па палітычных матывах. Са словаў арганізатараў акцыі ў сталіцы ЗША, 25 сакавіка ля будынку пасольства Беларусі зьявіцца сымбалічная «плошча Каліноўскага», каб нагадаць беларускім дыпляматам пра падзеі на Кастрычніцкай плошчы ў Менску.
Завяршальным мерапрыемствам «гарачага тыдня» стане канцэрт «Салідарныя зь Беларусьсю» у Варшаве, што пройдзе на Замкавай плошчы 25 сакавіка.
Фота charter97.org
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1111
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х11
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары