Маліцца за храм бэрнардынцаў прыйшло болей людзей, чым на акцыю на Кастрычніцкай
З 7 сакавіка сабрана больш за 3 тыс. подпісаў пад зваротам да кіраўніка дзяржавы за вяртаньне вернікам помніка архітэктуры барока XVII стагодзьдзя.
Увечары 19 сакавіка больш за 130 чалавек з запаленымі сьвечкамі ўзялі ўдзел у маленьні за вяртаньне манастыра бэрнардзінцаў з каьсцёлам менскай рымска‑каталіцкай абшчыне сьвятога Іосіфа, што зарэгістравана ў Чырвоным касьцёле сталіцы.
Такім чынам у дзень сьвятога Іосіфа ля сценаў былога храму вернікі адзначылі другую гадавіну маленьняў за вяртаньне сьвятыні. Яны адбываюцца па вечарах а 19-й гадзіне пад мурамі найбольшага ў сталіцы культавага збудаваньня.
Паводле сяброўкі камітэту абшчыны Івоны Мацукевіч, зь 7 сакавіка сабрана больш за 3 тыс. подпісаў пад зваротам да кіраўніка дзяржавы за вяртаньне вернікам помніка архітэктуры барока XVII стагодзьдзя.
І. Мацукевіч заявіла, што ўлады «расьпялі наш касьцёл, як дзьве тысячы гадоў таму расьпялі Ісуса Хрыста».
— Мы не проста два гады молімся ля храму за яго вяртаньне вернікам, — кажа Мацукевіч. — Наша малітва сьведчыць: мы хрысьціяне, якім неабыякава, што ў нашым храме Садом і Гамора.
Паводле Мацукевіч, два гады таму начальнік аддзела па справах рэлігіяў і нацыянальнасьцей Менскага гарвыканкаму Ала Рабіцава заявіла, што вернікі ня змогуць асіліць аднаўленьне сьвятыні.
— У зьвязку з гэтым, — сказала Мацукевіч у інтэрвію агенцтву БелаПАН, — улады плянуюць правесьці рэканструкцыю будынку касьцёлу ў канцэртную залю, дзе нам толькі калі‑нікалі дазволяць выступіць.
Збор подпісаў пачаўся пасьля таго, як стала вядома аб планах Менгарвыканкаму перадаць будынак манастыра інвэстарам дзеля рэканструкцыі і прыстасаваньня пад гасьцінічны комплекс і аб’екты гандлёва‑бытавога прызначэньня. Манастырскі комплекс, узьведзены на сродкі дабрачынцаў, а не казны, канфіскаваны ў 1864 годзе ўладамі Расейскай імпэрыі пасьля падаўленьня нацыянальна‑вызвольнага паўстаньня супраць расейскага царызму пад кіраўніцтвам Кастуся Каліноўскага. У будынку былога храму дагэтуль размяшчаюцца архівы.
Цяпер чытаюць
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»9
Трамп заявіў, што ідуць перамовы пра вызваленне яшчэ 50 беларускіх палітвязняў, і назваў іх «закладнікамі»
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1212
Каментары