«Жарыце, не абляпайцеся!»
Бар
Да нядаўняга часу ў Брэсце працаваў бар
Яшчэ 9 чэрвеня установа была адкрытая для ўсіх ахвотных. І вось сёння берасцейцы звярнулі ўвагу, што гэты будынак практычна знішчаны.Вядома, можна было б падумаць, што яго зносяць, але гэты аб’ект нерухомасці проста разграмілі. Прычым зрабіла гэта сама гаспадыня.
З 2005 года дзве фірмы ніяк не маглі падзяліць гэты будынак.
Адна адсуджвала бар у другой, мяняліся назвы, і вось зусім нядаўна ўласнік, паводле рашэння суда, павінен быў змяніцца канчаткова. А ранейшы ўладальнік вырашыў такім спосабам адпомсціць новаму. У будынак былі ўкладзеныя вялікія грошы, і аддаваць усё гатовае новаму ўласніку ў такім выглядзе ранейшы проста не захацеў.
Суд узяў бок новага ўладальніка. І тады, перш чым перадаць будынак, гаспадыня наважылася на акцыю вандалізму ў дачыненні да ўласнай маёмасці.Усё адбылося літаральна за апошнія два дні, будынак бара цалкам прыведзены ў непрыгоднасць, пра аднаўленне гаворкі нават не ідзе — трэба ўсё зносіць і будаваць наноў. Ці захоча рабіць гэта новы ўласнік, пакуль пад пытаннем. Аднак ён ужо звярнуўся ў міліцыю з заявай. Не зусім зразумела, куды новы гаспадар глядзеў, калі будынак разбуралі сярод белага дня.
На сценах установы цяпер красуюцца з’едлівыя надпісы, спісаныя нават прыступкі ля ўваходу. Якая будзе рэакцыя праваахоўных органаў, невядома,бо, з аднаго боку, відавочны акт агрэсіі, а з другога, усё зрабіў пакуль яшчэ ўладальнік, а ў сваёй гаспадарцы, як вядома, што хачу, тое і кручу.
Так ці інакш, бар
Цяпер чытаюць
Мёртвым знойдзены ў Варшаве Зміцер Каспяровіч — 43-гадовы былы палітвязень, завербаваны КДБ10
Каментары