У суботу на арэне «Жальгірыс» у Каўнасе сабралася каля 15 тыс. прыхільнікаў амерыканскага гурта Red Hot Chili Peppers. Усе квіткі на канцэрт былі раскупленыя ў першыя дні пачатку продажу квіткоў.
Перад пачаткам выступу «перцаў» гледачы вырашылі зрабіць музыкам сюрпрыз і прыляпілі сабе вусы. Такім чынам яны хацелі павітаць новы імідж вакаліста групы Энтані Кідзіса, у венах якога цячэ літоўская кроў.
Э.Кідзіс павітаўся з публікай на літоўскай, праўда, некалькі няўпэўнена: "Lavas vakaras. Ačiū". Аднак адразу пасля першай песні яго сціпласць знікла.
«Мы вельмі рады быць тут. Два амерыканцы, адзін аўстраліец і адзін літовец», - пасля гэтых слоў басіста Flea зала вітала аглушальнымі апладысментамі.
Сцэну музыкі ўпрыгожылі літоўскім сцягам.
Канцэрт быў гарачым, і сам Энтані, здаецца, быў задаволены публікай.
Музыкі такога ўзроўню звычайна сканчаюць сваю праграму, не выходзячы на «біс». Але на гэты раз музыкі зрабілі для літоўскай публікі выключэнне і выканалі яшчэ некалькі песень з новага альбома.
«Сустрэнемся яшчэ раз, Літва», - паабяцаў Э.Кідзіс, сканчаючы канцэрт, які доўжыўся больш за дзве гадзіны.
RHCP праехалі міма Беларусі, выступіўшы ў Пецярбургу, Маскве, Кіеве, Варшаве і кіруючыся цяпер у Талін.
-
Каб раздаць квіткі на Шамана, падключылі райвыканкамы. А ён запісаў відэа «Привет, Белоруссия!» і спяваў гімн Расіі
-
Піт Паўлаў: «У N.R.M. былі і дзікая папулярнасць, і наватарства. Зробім апошнія канцэрты прыгожымі»
-
«Баста ўжо паклікаў на лэйбл». Хлопец з Гродна за месяц стаў рэперам, якога абмяркоўвае ўся постсавецкая прастора
Каментары