Свет1717

Літва пачала расследаванне справы «плюшавага дэсанту»

Дасудовае расследаванне праводзіць Генпракуратура.

Служба аховы дзяржаўнай мяжы Літвы пачала расследаванне ў сувязі з незаконным перасячэннем мяжы шведскім самалётам 4 ліпеня, перадае інтэрнэт-рэсурс Delfi.

Як паведамляе Генеральная пракуратура Літвы, расследаванне распачата ў сувязі з незаконным перасячэннем дзяржаўнай мяжы і парушэннем правілаў ажыццяўлення міжнародных палётаў. Дасудовае расследаванне праводзіць Генпракуратура.

Прэм’ер-міністр Літвы Андрус Кубілюс сцвярджае, што будзе прасіць даць інфармацыю аб несанкцыянаваным палёце шведскіх пілотаў з Літвы ў Беларусь.

«Вярнуўшыся з водпуску, я адразу буду прасіць даць больш вычарпальную інфармацыю пра ўсю сітуацыю і ўсе падзеі, звязаныя з гэтак званым „плюшавым дэсантам“. Мы з’яўляемся суседзямі Беларусі, а таксама дзяржавай — членам Еўрапейскага саюза, якая разам з усімі членамі ЕС ажыццяўляе агульную палітыку ў такіх выпадках, як гэты», — сказаў сёння Кубілюс у інтэрв’ю Ziniu radijas.

Аднаматорны самалёт са шведскім экіпажам з супрацоўнікаў кампаніі Studio Total з плюшавымі мішкамі на борце перасек паветраную мяжу Беларусі раніцай 4 ліпеня. Ён правёў у паветранай прасторы краіны каля паўтары гадзіны і скінуў над Івянцом і ўскраінай Мінска больш чым 800 цацак з запіскамі ў падтрымку дэмакратыі ў Беларусі.

З самага пачатку беларускія ваенныя і памежнікі катэгарычна абвяргалі факт незаконнага перасячэння мяжы.

Гісторыя з «плюшавым дэсантам» атрымала шырокі грамадскі рэзананс і дала падставу сумнявацца ў боегатоўнасці не толькі беларускіх, але і саюзных сродкаў СПА. Была створана камісія прэзідэнта, якая занялася праверкай усіх злучэнняў і воінскіх часцей Ваенна-паветраных сіл і войскаў супрацьпаветранай абароны Беларусі. У будучым шэраг прадстаўнікоў сілавых ведамстваў Беларусі былі вызваленыя ад пасад і атрымалі вымовы.

8 жніўня з улікам міжнароднага права і існуючых працэдур беларускі бок звярнуўся да Літвы і Швецыі з просьбай аказаць прававую дапамогу ў расследаванні справы аб парушэнні беларускай мяжы шведскім самалётам.

Генпракуратура Літвы пацвердзіла атрыманне просьбы Беларусі аб прававой дапамозе 9 жніўня.

Каментары17

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Кныровіч расказаў, чаму былы дырэктар аршанскіх заводаў пасля вызвалення пайшоў ваяваць за Расію, дзе і загінуў2

Кныровіч расказаў, чаму былы дырэктар аршанскіх заводаў пасля вызвалення пайшоў ваяваць за Расію, дзе і загінуў

Усе навіны →
Усе навіны

«Мне было 15». Былы студэнт абвінаваціў выкладчыка і кіраўніка ансамбля «Белая Русь» у дамаганнях, якія цягнуліся каля года12

Адзін укол — і слых вяртаецца. Навукоўцы зрабілі прарыў у лячэнні глухаты1

Былому намесніку начальніка расійскага Генштаба далі 17 гадоў зняволення1

«Плыве так вальяжна». У Бярозе ў возеры завялася «наша капібара» ВІДЭА

У лесе паміж Івянцом і Ракавам турысты сустрэлі рысь з рысянятамі ВІДЭА4

У Полацку жанчыну пакаралі за відэа ў тыктоку з мільённымі праглядамі3

Генадзь Туміловіч, толькі ўладкаваўшыся на працу ў Ізраілі, адразу ж уляпаўся ў скандал8

У сацсетках паскардзіліся, што міліцыя штрафуе за фатаграфаванне ў полі з васількамі. Гэта сапраўды так?5

Прэм'ер Літвы раскрытыкаваў рашэнне Польшчы ўвесці памежны кантроль5

больш чытаных навін
больш лайканых навін

Кныровіч расказаў, чаму былы дырэктар аршанскіх заводаў пасля вызвалення пайшоў ваяваць за Расію, дзе і загінуў2

Кныровіч расказаў, чаму былы дырэктар аршанскіх заводаў пасля вызвалення пайшоў ваяваць за Расію, дзе і загінуў

Галоўнае
Усе навіны →

Заўвага:

 

 

 

 

Закрыць Паведаміць