Litva pačała rasśledavańnie spravy «plušavaha desantu»
Dasudovaje rasśledavańnie pravodzić Hienprakuratura.
Słužba achovy dziaržaŭnaj miažy Litvy pačała rasśledavańnie ŭ suviazi ź niezakonnym pierasiačeńniem miažy šviedskim samalotam 4 lipienia, pieradaje
Jak paviedamlaje Hienieralnaja prakuratura Litvy, rasśledavańnie raspačata ŭ suviazi ź niezakonnym pierasiačeńniem dziaržaŭnaj miažy i parušeńniem praviłaŭ ažyćciaŭleńnia mižnarodnych palotaŭ. Dasudovaje rasśledavańnie pravodzić Hienprakuratura.
Prem'
«Viarnuŭšysia z vodpusku, ja adrazu budu prasić dać bolš vyčarpalnuju infarmacyju pra ŭsiu situacyju i ŭsie padziei, źviazanyja z hetak zvanym „plušavym desantam“. My źjaŭlajemsia susiedziami Biełarusi, a taksama dziaržavaj — členam Jeŭrapiejskaha sajuza, jakaja razam z usimi členami ES ažyćciaŭlaje ahulnuju palityku ŭ takich vypadkach, jak hety», — skazaŭ siońnia Kubilus u intervju Ziniu radijas.
Adnamatorny samalot sa šviedskim ekipažam z supracoŭnikaŭ kampanii Studio Total ź plušavymi miškami na borcie pierasiek pavietranuju miažu Biełarusi ranicaj 4 lipienia. Jon pravioŭ u pavietranaj prastory krainy kala paŭtary hadziny i skinuŭ nad Iviancom i ŭskrainaj Minska bolš čym 800 cacak z zapiskami ŭ padtrymku demakratyi ŭ Biełarusi.
Z samaha pačatku biełaruskija vajennyja i pamiežniki kateharyčna abviarhali fakt niezakonnaha pierasiačeńnia miažy.
Historyja z «plušavym desantam» atrymała šyroki hramadski rezanans i dała padstavu sumniavacca ŭ bojehatoŭnaści nie tolki biełaruskich, ale i sajuznych srodkaŭ SPA. Była stvorana kamisija prezidenta, jakaja zaniałasia pravierkaj usich złučeńniaŭ i voinskich čaściej
8 žniŭnia z ulikam mižnarodnaha prava i isnujučych pracedur biełaruski bok źviarnuŭsia da Litvy i Šviecyi z prośbaj akazać pravavuju dapamohu ŭ rasśledavańni spravy ab parušeńni biełaruskaj miažy šviedskim samalotam.
Hienprakuratura Litvy paćvierdziła atrymańnie prośby Biełarusi ab pravavoj dapamozie 9 žniŭnia.
Kamientary