Экс‑прэзыдэнт Польшчы прыляцеў у Кіеў сёньня ўначы, каб дапамагчы разьвязаць палітычны крызіс ва Ўкраіне. У Квасьнеўскага заплянаваныя сустрэчы зь Юшчанкам, Цімашэнкай і, магчыма, Марозам.
Прэм’ер‑міністар Украіны Віктар Януковіч і колішні прэзыдэнт Польшчы Аляксандар Квасьнеўскі абмеркавалі палітычную сытуацыю ва Ўкраіне.
Экс‑прэзыдэнт Польшчы прыляцеў у Кіеў сёньня ўначы, каб дапамагчы разьвязаць палітычную крызу ва Ўкраіне. У Квасьнеўскага таксама заплянаваныя сустрэчы зь Юшчанкам, Цімашэнкай і, магчыма, Марозам. Пра гатовасьць далучыцца да ўрэгуляваньня ўкраінскай крызы зявілі калегі Віктара Юшчанкі — кіраўнікі Літвы і Польшчы.
Сёньня ў Кіеве таксама знаходзіцца віцэ‑прэзыдэнт Эўрапейскага парлямэнту Марэк Сівец. Ён сустракаецца з украінскімі палітыкамі. Адрыян Сэвэрын, кіраўнік дэлегацыі Эўрапарлямэнту, заявіў, што Эўрапарлямэнт гатовы накіраваць ва Ўкраіну сваіх дэпутатаў для вырашэньня палітычнага супрацьстаяньня.
Міністар замежных спраў Украіны тым часам у Страсбургу распавядзе эўрапейскім высокапастаўленым чыноўнікам пра украінскія справы. Паводле інфармацыі прэзыдэнцкай канцылярыі, міністар данясе афіцыйную пазыцыю Ўкраіны, галоўная тэза якой — «вырашэньне крызы мае адбывацца ў канстытуцыйным полі выключна мірнымі сродкамі праз дыялёг як па лініі прэзыдэнт — прэм’ер, так і па лініі ўсіх галоўных палітычных сіл».
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55
Каментары