За 15 дзён да даты выбараў устаноўлена дакладная колькасць выбаршчыкаў — 7 мільёнаў 78 тысяч 809, паведаміла на
Яна адзначыла, што названая лічба менш за тую, што была зафіксавана на папярэдніх — прэзідэнцкіх — выбарах: 7 мільёнаў 105 тысяч выбаршчыкаў. Аднак розніцу ў 0,3% наўрад ці можна лічыць істотнай, сказала Ярмошына.
Паводле яе слоў, колькасць выбаршчыкаў можа змяняцца, але нязначна.
На сёння зарэгістраваны 364 кандыдаты ў дэпутаты палаты прадстаўнікоў, паведаміла Ярмошына.
Падчас цяперашняй кампаніі паступіла 336 скаргаў — больш, чым на парламенцкіх выбарах 2008 года, калі было зафіксавана 308 скаргаў. «Тым не менш у мяне адчуванне, што кампанія праходзіць менш канфліктна, — сказала кіраўнік ЦВК. — Скаргі часта дублююць адна адну, іх пішуць прадстаўнікі аднаго кандыдата або партыі. Раней былі скаргі на нейкія адміністрацыйныя рэсурсы, цяпер такіх скаргаў няма».
Паводле слоў Ярмошынай, прайшло ўжо 17 дэбатаў кандыдатаў у дэпутаты. Плануецца правесці і запісаць яшчэ 14.Сем дэбатаў былі зняты з эфіру ў сувязі з тым, што кандыдаты агітавалі за байкот выбараў.
У Гродзенскай вобласці дэбаты наогул не пройдуць, бо не набралася двух чалавек на акругу, якія жадалі ў іх удзельнічаць.
Кіраўнік ЦВК таксама паведаміла, што свае выбарчыя фонды зарэгістравалі 74 кандыдаты ў дэпутаты.
Цяпер чытаюць
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»2020
Каментары