Беларускія авіяцыйныя ўлады запрашаюць расійскіх калег на перамовы аб парадку палётаў па маршруце Масква — Мінск,паведаміў намеснік генеральнага дырэктара авіякампаніі «Белавія» Ігар Чаргінец 17 верасня.
«Наш бок накіраваў запрашэнне на перамовы, але расійскі бок пакуль маўчыць», — сказаў ён.
Паводле слоў Чаргінца, расійскія авіятары запрошаны правесці перамовы ў другой палове верасня з дэпартаментам па авіяцыі Міністэрства транспарту і камунікацый Беларусі.
У
Авіяцыйны канфлікт разгарэўся 26 сакавіка, калі Расавіяцыя адклікала дазвол на палёты самалётаў «Белавія» ў Маскву.Беларусь, у сваю чаргу, забараніла самалётам расійскіх авіякампаній лётаць у Мінск. Авіязносіны былі спыненыя на чатыры гадзіны і аднавілася пасля дамоўленасці бакоў працаваць у ранейшым рэжыме да 12 красавіка і паралельна весці перамовы.
Прычынай канфлікту стала колькасць рэйсаў па маршруце Мінск — Масква: расійскі бок настойвае на іх павелічэнні да пяці, беларускі — на парытэце з чатырох рэйсаў. Планы Расіі павялічыць колькасць палётаў у Мінску разглядаюць як спробу атрымаць перавагу на беларускім рынку авіяперавозак. Беларускі бок таксама заяўляе, што арганізацыя пятага рэйса ў Расію яму эканамічна нявыгадная.
У сваю чаргу расіяне падкрэсліваюць, што пагадненне аб паветраных зносінах, што дзейнічае паміж Расіяй і Беларуссю, састарэла і не адпавядае дамоўленасцям аб агульнаэканамічнай прасторы, а таксама не адпавядае нормам Мытнага саюза.
Першы раўнд перамоў авіяцыйных улад дзвюх краін прайшоў 29–30 сакавіка, другі — 5 красавіка. 5 красавіка стала вядома, што Беларусь праінфармавала авіяцыйныя ўлады Расіі пра намер з 13 красавіка ў аднабаковым парадку скараціць лік рэйсаў расійскіх авіякампаній з Масквы ў Мінск. У адказ на гэта расійскі бок абвясціў, што з 13 красавіка ўводзіць забарону на ажыццяўленне кампаніяй «Белавія» палётаў у расійскія рэгіёны. Беларускай авіякампаніі дазволены толькі рэйсы ў Маскву.
У выніку перамоў Расія і Беларусь дамовіліся, што кожны бок будзе выконваць па пяць авіярэйсаў у дзень паміж Масквой і Мінскам у летні перыяд. Такі парадак пачаў дзейнічаць з 27 красавіка. У верасні па пытанні авіязносін паміж краінамі запланаваны дадатковыя кансультацыі, на якіх будзе вызначаны парадак палётаў на зімовы перыяд.
Лукашэнка: Раман Пратасевіч — даўні супрацоўнік беларускай разведкі59
Каментары