Парламенцкія выбары ў Беларусі прайшлі ў абстаноўцы, якая не садзейнічае правядзенню свабодных выбараў, гаворыцца ў апублікаванай 24 верасня заяве ўрада Германіі.
Берлін заклікаў Аляксандра Лукашэнку вызваліць палітзняволеных і спыніць рэпрэсіі ў краіне.
«Палітзняволеныя працягваюць знаходзіцца ў турме, апазіцыянерам перашкаджалі балаціравацца», — сказаў афіцыйны прадстаўнік урада ФРГ Штэфен Зайберт.Паводле яго слоў, у многіх месцах зафіксаваныя рэпрэсіі, спробы перашкаджаць назіранню за выбарамі і перадачы інфармацыі. У якасці прыкладу Зайберт прывёў адмову ў выдачы беларускай візы дэпутату бундэстага Марылуізе Бек і карэспандэнту тэлеканала ЦДФ Ганне Гелінэк. Акрамя таго, яе калегі па тэлеканале, якія працавалі ў Мінску, былі на некаторы час затрыманыя.
Зайберт адзначыў, што ва ўмовах няспыннага запалохвання большая частка апазіцыі адмовілася ад удзелу ў выбарах. На яго думку, Лукашэнка прадоўжыць курс на рэпрэсіі замест партнёрства з Еўропай. «Для краіны, для грамадзян Беларусі гэта трагедыя», — заявіў прадстаўнік кабінета канцлера Ангелы Меркель.
Бабарыка тры хвіліны адказваў на пытанне, чый Крым. Так і не адказаў89
Каментары