У Крыме аўто з беларусамі сарвалася з абрыву, кіроўца загінуў — фота і відэа
Пасажыр аўто трапіў у шпіталь.
Ноччу 3 кастрычніка, у Керчы (Крым) аўто з беларускімі нумарамі сарвалася з абрыву, адзін чалавек загінуў. Пра гэта паведамляе сайт kerch.fm.
Аўтамабіль Nissan Patrol рухаўся на высокай хуткасці з боку дачнага пасёлка, у напрамку да цэнтру горада. На кароткім неасветленым участку дарогі кіроўца разагнаў аўтамабіль. Перад паваротам направа, ён паспрабаваў затармазіць, аднак хуткасць машыны была вялікая. Тармазны след апынуўся больш за 6 метраў.
Аўтамабіль вылецеў на левую ўзбочыну дарогі, перакуліўся і, праляцеўшы больш за 20 метраў уніз з абрыву, ударыўся аб сцяну лодачная гаража.
Ад удару 47-гадовы кіроўца, грамадзянін Беларусі, загінуў на месцы. Яго пасажыр быў дастаўлены з траўмамі ў гарадскую бальніцу Керчы. Паводле папярэдніх звестак, у яго пералом нагі. Пад пытаннем знаходзіцца і алкагольнае ап'яненне кіроўцы, наяўнасць якога праверыць экспертыза.
Нагадаем, што ў жніўні мінулага года ў Крыме ў выніку аўтааварыі загінуў начальнік Лідскага ДАІ. BMW з беларускімі нумарамі пратараніў бетонную агароджу і зляцеў каля 100 м па схіле гары.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку21
Каментары