Ліберальна-дэмакратычная партыя пачынае выпуск газеты «Правда Гайдукевича», паведаміў напрэс-канферэнцыі 12 лістапада ў Мінску намеснік старшыні партыі Алег Гайдукевіч.
Паводле яго слоў, ЛДП выступіла заснавальнікам новага выдання і ўжо выпусціла пілотны нумар газеты. «Зараз мы звяртаемся ў Міністэрства інфармацыі за рэгістрацыяй гэтага выдання. І да прэзідэнцкіх выбараў наклад гэтай газеты павінен дасягнуць 150.000 асобнікаў», — заявіў Гайдукевіч.
Ён адзначыў, што выпуск газеты — гэта «рэальная палітыка». «Нашы апазіцыйныя палітыкі спадзяюцца, што людзі ў вёсцы, бабуля Маня, праз інтэрнэт прачытаюць іх гучную заяву», — адзначыў Гайдукевіч.
Апазіцыя, паводле яго слоў, не падтрымлівае «нават тыя сродкі масавай інфармацыі, якія ёсць». «Ну, ёсць у іх 20 тысяч членаў ўсіх партый разам, чаму яны не падпішуць іх на „Народную волю“? Яны не робяць нават гэтага, бо іх не цікавіць рэальнае палітычнае жыццё», — мяркуе Гайдукевіч.
Пілотны нумар «Праўды Гайдукевіча» ўяўляе сабой чатыры паласы фармату А3 з поўнакаляровым друкам. Наклад нумару — 299 асобнікаў.Ён прызначаны для бясплатнага распаўсюду. Адкрывае пілотны нумар інтэрв’ю са старшынёй ЛДП Сяргеем Гайдукевічам.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам29
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары