Новым міністрам замежных справаў Сэрбіі стаў 32‑гадовы Вук Ераміч, дарадца прэзыдэнта Барыса Тадзіча па замежнапалітычных пытаньнях.
Новым міністрам замежных справаў Сэрбіі стаў 32‑гадовы Вук Ераміч, дарадца прэзыдэнта Барыса Тадзіча па замежнапалітычных пытаньнях.
Ярэміч належыць да наймаладзейшага пакаленьня сэрбскіх палітыкаў. Ён нарадзіўся ў 1975 годзе ў Белградзе, вучыўся ў Кембрыдзкім унівэрсытэце па спэцыяльнасьці «Тэарэтычная фізыка», ступень магістра ў галіне дзяржаўнага кіраваньня атрымаў у Гарвардзе. Быў адным з найлепшых студэнтаў свайго выпуску. Працаваў фінансавым аналітыкам у эўрапейскіх банках. Адразу па зьвяржэньні ў Югаславіі Слабадана Мілошавіча, Ерэміч пачаў працаваць дарадцам ва ўрадавых структурах.
Адначасова пасаду міністра абароны Сэрбіі заняў 39‑гадовы Драган Шутанавац, яшчэ адзін паплечнік прэзыдэнта Тадзіча. Гідраэнэргетык Шутанавец атрымліваў дадатковую адукацыю ў ЗША па спэцыяльнасьці «Выкананьне законаў» і «Пытаньні бясьпекі і кантролю». Як і Ераміч, ад 2000 году Драган Шутанавец займаў розныя пасаду ва ўрадзе Сэрбіі.
У адрозьненьне ад сэрбскага калегі, беларускі кіраўнік не давярае высокія пасады маладым палітыкам. У Беларусі міністар ва ўзросьце 50 гадоў лічыцца яшчэ маладым.
Цяпер чытаюць
«На канцэртах няма месца радыкальнаму нацыяналізму, агрэсіі і гвалту». Макс Корж выказаўся наконт скандалу, які разгарэўся пасля яго выступу ў Варшаве3737
Каментары