Джакузі з іржавай вадой за 800 рублёў: беларуска распавяла пра сапсаваныя выхадныя ў санаторыі
Жанчына хацела расслабіцца і адпачыць на выхадных у айчынным санаторыі, але атрымала толькі сапсаваныя нервы.
Пра непрыемны выпадак Ірына распавяла ў тыктоку. Жанчына кажа, што апошнім часам у яе жыцці было шмат стрэсу, таму яна аплаціла спа-выхадныя ў санаторыі «Беларусачка». Знаходзіцца той сярод хвойна-бярозавага лесу на беразе вадасховішча Дразды — да Мінска ўсяго 4 кіламетры.
Узяла самы дарагі нумар — за люкс яна заплаціла 800 рублёў за дзве ночы. Там, дарэчы, ёсць джакузі. У яго ж Ірына і вырашыла занырнуць у першы ж вечар. Набрала поўную ванну вады, націснула кнопку, каб з’явіліся бурбалкі — і вось тут пачалося дзіўнае.
— Уся вада — а я ўжо ў ванне голая — запаўняецца нейкім карычневым… незразумела чым. Вельмі падобна да фекалій, але пры бліжэйшым разглядзе ўсё ж больш падобна на адклады з труб.
Наступным ранкам Ірына вырашыла распавесці пра праблему ў рэгістратуры санаторыя.
— Я запатрабавала кнігу скаргаў, каб паведаміць аб тым, што ў самым дарагім нумары адбываецца такое. На што мне кажуць, што сёння выхадны, адміністрацыі няма на месцах, а кніга скаргаў ляжыць недзе ў сейфе і мне яе даць не могуць.
Абураная жанчына паспрабавала растлумачыць, што не даваць ёй кнігу скаргаў не маюць права, бо гэта правапарушэнне.
— Мне кажуць: «Добра, пішыце заяву». Я пішу, і мне ў адказ на паперцы пішуць: «Мы не дамо, прыязджайце з панядзелка па пятніцу». А ў мяне спа-выхадныя!
Марнаваць час на наступным тыдні, каб зноў прыехаць у санаторый і распавесці пра абуральную сітуацыю, Ірына не мела ніякага жадання. Таму яна вырашыла звярнуцца да адміністрацыі «Беларусачкі» праз тыкток, а таксама да Рэспубліканскага цэнтра па аздараўленні і санаторна-курортным лячэнні насельніцтва Беларусі.
Здаецца, дзяўчына знайшла самае інстаграмнае месца для адпачынку ў Беларусі. Але кошт глэмпінгу не для слабанервовых
Людзі ў шоку ад таго, колькі каштуе восем дзён плыць па рэках Палесся на цеплаходзе «Белая Русь»
Пяць люксавых гатэляў Беларусі, якія знаходзяцца ў невялікіх гарадах. Вы дакладна пра іх не ведалі
Цяпер чытаюць
Затрымалі кіраўнікоў івэнт-кампаній. Адзін з іх дапамагаў ладзіць канцэрты ў падтрымку Лукашэнкі11
Каментары